Pol'ski imigrant na aeroport bil ubiti posredstvem elektrošokovo oružje / Польски имигрант на аеропорт бил убити посредствем електрошоково оружје

16i november 2007 - Kanada opublikovala video, ktoro pokazuje posledne momenti v žitje od pol'ski imigrant, ktori bil ubiti posredstvem elektrošokovo oružje od policaj`ci tol'ko sekundi posle to, čo oni stretili jego na aeroport v Vankuver (po angliski Vancouver). Četiridsat'letni Robert Dzekan'ski (po pol'ski Robert Dziekański) iz Pešice (po pol'ski Pieszyce) v Pol'ska priletel na aeroport 10 sati napred; to bilo jego pervo letenje posredstvem samolet; on hotel počat' novo žitje s svoja mama, ktora žije v zapadna Kanada. Dzekan'ski počal postupat' bludno posle to, čo on ne videl svoja mama v bagažna zona - bezpečnostno mesto, dokuda jego mama ne mogla pridet'. On priletel v 14i oktober prez Frankfurt. Koroner i policija počali sledstvo. Policijni predstavitel' skazal, čo video jest' tol'ko jedin mali dokaz. Video od turist pokazuje, jak Dzekan'ski upotrebja stuli i mali dreveni stol, čobi on vibudoval privremenna bariera pri vrota, ktore del'ut bezpečnostna zona i publična zona dl'a čekanje. Četiri policaj`ci prišli na mesto i stretili Dzekan'ski, ktori počal idet' proč. Policaj`ci upotrebjali protiv nemu 50 000 vol'ti od električnost'. Dzekan'ski spadnul na podloga i kričal za bol'. Ne jest' jasno, jesli Dzekan'ski umrel na aeroport ili više pozdno v bol'nica. Advokat od mama od Dzekan'ski skazal, čo on nadeja sja, čo video bude dostatočni dokaz dl'a to, čo policija jest' odpovedal'na za svoja nočna akcija. (od NDTV)

16и новембер 2007 - Канада опубликовала видео, кторо показује последне моменти в житје од польски имигрант, ктори бил убити посредствем електрошоково оружје од полицај`ци только секунди после то, чо они стретили јего на аеропорт в Ванкувер (по англиски Vancouver). Четиридсатьлетни Роберт Дзеканьски (по польски Robert Dziekański) из Пешице (по польски Pieszyce) в Польска прилетел на аеропорт 10 сати напред; то било јего перво летенје посредствем самолет; он хотел почать ново житје с своја мама, ктора жије в западна Канада. Дзеканьски почал поступать блудно после то, чо он не видел своја мама в багажна зона - безпечностно место, докуда јего мама не могла придеть. Он прилетел в 14и октобер през Франкфурт. Коронер и полиција почали следство. Полицијни представитель сказал, чо видео јесть только једин мали доказ. Видео од турист показује, јак Дзеканьски употребја стули и мали древени стол, чоби он вибудовал привременна бариера при врота, кторе дельут безпечностна зона и публична зона дльа чеканје. Четири полицај`ци пришли на место и стретили Дзеканьски, ктори почал идеть проч. Полицај`ци употребјали против нему 50 000 вольти од електричность. Дзеканьски спаднул на подлога и кричал за боль. Не јесть јасно, јесли Дзеканьски умрел на аеропорт или више поздно в больница. Адвокат од мама од Дзеканьски сказал, чо он надеја сја, чо видео буде достаточни доказ дльа то, чо полиција јесть одповедальна за своја ночна акција. (од НДТВ)