Bosnijski premijer-minister odšel za evropejskounijne reformi / Боснијски премијер-министер одшел за европејскоунијне реформи

2i novembr 2007 - Premijer-minister od Bosnija i Hercegovina abdikoval jak protest posle to, čo on žaloval na parlamentne reformi predložene od medžunarodni administrator; on skazal, čo to moglo bi koštovat' členstvo od jego deržava v Evropejska Unija. Nikola Špirič (po serbski Nikola Špirić), Serb, nazval situacija drastična i skazal, čo pravne izmenenja dane znat' v posledni mesjac mogli bi zabronit' to, čobi jego etnično rozdelena deržava stala člen od Evropejska Unija. "Ja poslal svoja demisija k predsedatelstvo od Bosnija i Hercegovina," Nikola Špirič skazal v četvertok. "Medžunarodno společenstvo ne može vladat' v Bosnija i Hercegovina, kogda očekivajut, čo ja maju odpovedal'nost'," on skazal, i dodal, čo jego rešenje ne jest' "ni kapric, ni provokacija". Politična kriza v Bosnija i Hercegovina jest' najviše važna od krovna medžuetnična vojna (1992-1995) i jej konec posredstvem mirni dogovor iz Dejton (po angliski Dayton). Dogovor rozdelil Bosnija i Hercegovina na serbski i muslimansko-horvatski entiteti s slaba central'na vlada s tri minist`ri iz vsa etnična grupa. Reformne predloženja su podderžovane od medžunarodni Konsilium dl'a Implementacija od Mirni Dogovor, ktori soderživa više mnogo než četiridsat' kraji i medžunarodne organizaciji, ktore nadzirajut uslovja od mirni dogovor. Miroslav Lajčak (po slovacki Miroslav Lajčák), visoki predstavitel' dl'a Bosnija i Hercegovina, dal v posledni mesjac znat' reformi podderžovane od Evropejska Unija, ktore hočut učinit' efektivnost' od central'na vlada od Bosnija i Hercegovina više visoka. Predloženja izmenili bi kal'kul'ovanje od kvorum tak, čo bilo bi više težko dl'a zakonodateli blokovat' rešenja prosto posredstvem ih absencija. Jesli parlament od Bosnija i Hercegovina ne akceptuje predloženja dl'a racionalizacija od proces od rešenje do 1i dekembr, Miroslav Lajčak akceptuje ih sam. Nikola Špirič komentoval situacija tak, čo Bosnija i Hercegovina "na žalost' ne jest' suverenna deržava" dvanadsat' godi posle mirni dogovor. "Dvanadsat' godi posle Dejton, čudžin`ci majut ekskl'uzivna vlada nad tuttoj kraj i ja ver'u, čo to ne jest' dobro dl'a tuttoj kraj ili jego grodžani," on dodal. Serbske lid`ri su rozgnevane; oni kažut, čo izmenenja učini ih federal'na rol'a više mala i muslimansko prevladenje više veliko. Oni tož zagrozili, čo oni abdikujut zajedno, jesli reformi ne budut anulovane. Miroslav Lajčak skazal, čo Špiričovo rešenje "ne jest' odpovedal'na akcija" i "ne učini nastojašča politična situacija više dobra". On skazal, čo nove predloženja ne podkopajut tri etnične grupi od Bosnija i Hercegovina - Muslimani, Serbi i Horvati - i apeloval k vlada, čobi ona považovala svoj zakonni obvjazok vladnut' pol'no do rešenje od situacija. Miroslav Lajčak skazal, čo jest' paradoksal'no, čo Nikola Špirič abdikoval za izmenenja predložene dl'a učinenje od jego rabota više legka. Evropejska Unija učinila reformi glovno uslovje dl'a členstvo od Bosnija i Hercegovina v tutčas 27-členni blok. (od Al Džazira)

Nikola Špirič žaloval na nove reformi podderžovane od Evropejska Unija, za čo oni mogli bi učinit' etnično rozdelenje od Bosnija i Hercegovina mene dobro Никола Шпирич жаловал на нове реформи поддержоване од Европејска Унија, за чо они могли би учинить етнично розделенје од Боснија и Херцеговина мене добро

2и новембр 2007 - Премијер-министер од Боснија и Херцеговина абдиковал јак протест после то, чо он жаловал на парламентне реформи предложене од меджународни администратор; он сказал, чо то могло би коштовать членство од јего держава в Европејска Унија. Никола Шпирич (по сербски Никола Шпирић), Серб, назвал ситуација драстична и сказал, чо правне измененја дане знать в последни месјац могли би забронить то, чоби јего етнично розделена держава стала член од Европејска Унија. "Ја послал своја демисија к председателство од Боснија и Херцеговина," Никола Шпирич сказал в четверток. "Меджународно сполеченство не може владать в Боснија и Херцеговина, когда очекивајут, чо ја мају одповедальность," он сказал, и додал, чо јего решенје не јесть "ни каприц, ни провокација". Политична криза в Боснија и Херцеговина јесть највише важна од кровна меджуетнична војна (1992-1995) и јеј конец посредствем мирни договор из Дејтон (по англиски Dayton). Договор розделил Боснија и Херцеговина на сербски и муслиманско-хорватски ентитети с слаба центральна влада с три минист`ри из вса етнична група. Реформне предложенја су поддержоване од меджународни Консилиум дльа Имплементација од Мирни Договор, ктори содержива више много неж четиридсать краји и меджународне организацији, кторе надзирајут условја од мирни договор. Мирослав Лајчак (по словацки Miroslav Lajčák), високи представитель дльа Боснија и Херцеговина, дал в последни месјац знать реформи поддержоване од Европејска Унија, кторе хочут учинить ефективность од центральна влада од Боснија и Херцеговина више висока. Предложенја изменили би калькульованје од кворум так, чо било би више тежко дльа законодатели блоковать решенја просто посредствем их абсенција. Јесли парламент од Боснија и Херцеговина не акцептује предложенја дльа рационализација од процес од решенје до 1и декембр, Мирослав Лајчак акцептује их сам. Никола Шпирич коментовал ситуација так, чо Боснија и Херцеговина "на жалость не јесть суверенна держава" дванадсать годи после мирни договор. "Дванадсать годи после Дејтон, чуджин`ци мајут екскльузивна влада над туттој крај и ја верьу, чо то не јесть добро дльа туттој крај или јего гроджани," он додал. Сербске лид`ри су розгневане; они кажут, чо измененја учини их федеральна рольа више мала и муслиманско превладенје више велико. Они тож загрозили, чо они абдикујут заједно, јесли реформи не будут ануловане. Мирослав Лајчак сказал, чо Шпиричово решенје "не јесть одповедальна акција" и "не учини настојашча политична ситуација више добра". Он сказал, чо нове предложенја не подкопајут три етничне групи од Боснија и Херцеговина - Муслимани, Серби и Хорвати - и апеловал к влада, чоби она поважовала свој законни обвјазок владнуть польно до решенје од ситуација. Мирослав Лајчак сказал, чо јесть парадоксально, чо Никола Шпирич абдиковал за измененја предложене дльа учиненје од јего работа више легка. Европејска Унија учинила реформи гловно условје дльа членство од Боснија и Херцеговина в тутчас 27-членни блок. (од Ал Джазира)