7/06/2011

Juň dvatysęčjedinnadsętògo goda / Јуњ дватисечјединнадсетога года

(po Naučnòm Slovjanskòm:)

Sedmý juň dvatysęčjedinnadsętògo goda: Prezident Čehiji Vaclav Klaus v Hamburgě kritikoval vlådų Němècki za protivjędrnų strategijų jéj.

Sedmý juň dvatysęčjedinnadsętògo goda: Vyše mnogo než sto aùtomobilistov zablokovalo Minsk kak protest protiv udrågějšeňju benzina.

Sedmý juň dvatysęčjedinnadsętògo goda: NATO i Rosija provodili svoje pŕvó objediňenó vojnnó učeňje kògda-bųď "Bditeľnó Nebo".

(по србизованам Словјанскам:)

Седми јуњ дватисечјединнадсетога года: Президент Чехији Вацлав Клаус в Хамбурге критиковал владу Немацки за противлједрну стратегију јеј.

Седми јуњ дватисечјединнадсетога года: Више много неж сто автомобилистов заблоковало Минск как протест против удрагејшењју бензина.

Седми јуњ дватисечјединнадсетога года: НАТО и Росија проводили своје прво обједињено војнно учењје кагда-будь "Бдитељно Небо".

Zvųk (čpr): http://www.box.net/shared/t6slpq87tjlq8hq9brc9

6/19/2011

Maj-juň dvatysęčjedinnadsętògo goda / Май-юнь дватысечединнадсетого года

(po Naučnòm Slovjanskòm:)

Dvadesęťdevętý maj dvatysęčjedinnadsętògo goda: Brazilija, Rosija, Indija, Kitaj i Južnoafrikanská Republika izdali objediňenó mněňje, kotorym kritikujųt obyčaj, čo vođeňje Međunarodnògo Valutnògo Fonda naleža Eùropě. Oni nazyvajųt to zastarenym i prosęt, čoby råzvivajųćé kraji poslě šesťdsęťšesť godov dostali šans.

Tretí juň dvatysęčjedinnadsętògo goda: Ratko Mladič pŕvý raz objavil sę prėd Međunarodnym Karnym Tribunalòm za byvšų Jugoslavijų v Hagě. On je byvší bosnijskosŕbskí general-pòlkovnik podzrěvaný za genocid Bošňakov i bosnijskih Hṙvatov.

Pętý juň dvatysęčjedinnadsętògo goda: Nikola Gruevskí, kotorý byl premieròm-ministròm do nyně, izigral vybory v Republikě Makedoniji.

(по русификованом Словянском:)

Двадесетьдеветы май дватысечединнадсетого года: Бразилия, Росия, Индия, Китай и Южноафриканска Република издали обединьено мнене, которым критикуют обычай, чо воджене Меджународного Валутного Фонда належа Эвропе. Они называют то застареным и просет, чобы развиваюче краи после шестьдсетьшесть годов достали шанс.

Трети юнь дватысечединнадсетого года: Ратко Младич првы раз обявил се пред Меджународным Карным Трибуналом за бывшу Югославию в Хаге. Он е бывши боснийскосрбски генерал-полковник подзреваны за геноцид Бошняков и боснийских Хрватов.

Петы юнь дватысечединнадсетого года: Никола Груэвски, которы был премиэром-министром до ныне, изиграл выборы в Републике Македонии.

Zvųk (rpč): http://www.box.net/shared/ckftzpaomgl6t0a1toar

5/29/2011

Maj dvatysęčjedinnadsętògo goda / Май дватисячединнадсятого года

(po Naučnòm Slovjanskòm:)

Šestý maj dvatysęčjedinnadsętògo goda: Rosija počęla spešnų misijų dľa spašeňja atomnògo ledolamača Tajmyra v hlådnyh arktičnyh vodah. Tajmyr prėžil utěčeňje radiaciji i bylo jèmu treba zakončitì jègo misijų.

Šestý maj dvatysęčjedinnadsętògo goda: Rosijskí sųd osųdil ruskògo ultranacionalista Nikitų Tihonova k dožitnòmu uvęzňeňju za ubijstvo. Prėdlani on ubil ľudskopravnògo advokata Stanislava Markelova i žurnalistkų Anastasijų Baburovų.

Devętý maj dvatysęčjedinnadsętògo goda: Členi ukrainskòj nacionalističnòj partiji Svoboda v Ľvově na zapadnòj Ukrajině napadli veteranov drugòj světovòj vojny i rosijskògo generalnògo konsula.

Četyrnadsętý maj dvatysęčjedinnadsętògo goda: Běloruskògo opozicijnògo aktivista Andreja Sannikava osųdili za organizovaňje masovyh nespokojstòv k uvęzňeňju na pęť godov. Lani on učęstnil v protestah osporujųćih rezultaty prezidentskih vyborov.

(по украинизованом Словянском:)

Шестий май дватисячєдиннадсятого года: Росия почала спешну мисию для спашення атомного ледоламача Таймира в холодних арктичних водах. Таймир пережил утічення радиациї и било єму треба закончити єго мисию.

Шестий май дватисячєдиннадсятого года: Росийский суд осудил руского ултранационалиста Никиту Тихонова к дожитному ув’язнєнню за убийство. Передлани он убил людскоправного адвоката Станислава Маркелова и журналистку Анастасию Бабурову.

Дев’ятий май дватисячєдиннадсятого года: Члени украинской националистичной партиї Свобода в Львові на западной Україні нападли ветеранов другой світовой войни и росийского генералного консула.

Четирнадсятий май дватисячєдиннадсятого года: Білоруского опозицийного активиста Андрея Санникава осудили за организовання масових неспокойстов к ув’язнєнню на п’ять годов. Лани он участнил в протестах оспоруючих резултати президентских виборов.

Zvųk (rrpč): http://www.box.net/shared/s34ol937vx

5/14/2011

Apriľ-maj dvatysęčjedinnadsętògo goda / Априль-май дватисячєдиннадсятого года

(po Naučnòm Slovjanskòm:)

Dvadesęťpętý apriľ dvatysęčjedinnadsętògo goda: Objavili sę detali sòjediňenoštatnògo sųtruđeňja s prinajmèněj desęť ćuđimi råzvědkami. Råzvědki Kitaja, Rosiji, Saudovskòj Arabiji, Alžiriji, Maroka, Kuvejta, Tuniziji, Jemena, Jordaniji i Tadžikistana pomagali pri doprosah v sòjediňenoštatnòm vęźeňju v Guantanamě. Kitaj i Rosija obovęzali sę obvinitì i pokaratì kotoryh-bųď Ujgurov i Uzbekov vråćenyh v otčinų.

Dvadesęťšestý apriľ dvatysęčjedinnadsętògo goda: Ukrajina pripomina sobě dvadesęťpętý jubilej katastrofy černobylskòj jędrnòj elektrostanciji.

Pętý maj dvatysęčjedinnadsętògo goda: V Maďarskòj sųđęt Šandora Kepira za utvŕđané vojnné zločiny podčas drugòj světovòj vojny. Tògda on služil v maďarskòj armijě i masovo ubival Sŕbov i Jevrejev v nemaďarskòj čęsti Vojvodiny.

(по украинизованом Словянском:)

Двадесятьп’ятий априль дватисячєдиннадсятого года: Обявили ся детали соєдинєноштатного сутруження с принайменій десять чужими розвідками. Розвідки Китая, Росиї, Саудовской Арабиї, Алжириї, Марока, Кувейта, Тунизиї, Ємена, Йорданиї и Таджикистана помагали при допросах в соєдинєноштатном в’язєнню в Гуантанамі. Китай и Росия обов’язали ся обвинити и покарати которих-будь Уйгуров и Узбеков ворочених в отчину.

Двадесятьшестий априль дватисячєдиннадсятого года: Україна припомина собі двадесятьп’ятий юбилей катастрофи чернобилской ядрной електростанциї.

П’ятий май дватисячєдиннадсятого года: В Мадярской сужат Шандора Кепира за утвержані войнні злочини подчас другой світовой войни. Тогда он служил в мадярской армийі и масово убивал Сербов и Євреєв в немадярской части Войводини.

Zvųk (rpč): http://www.box.net/shared/6dix1yf6x8

4/30/2011

Apriľ dvatysęčjedinnadsętògo goda / Априљ дватисечјединнадсетога года

(po Naučnòm Slovjanskòm:)

Četyrnadsętý apriľ dvatysęčjedinnadsętògo goda: Brazilija, Rosija, Indija, Kitaj i Južná Afrika učęstnili v samitě BRIKS v Saňjě v južnòm Kitajě.

Pętnadsętý apriľ dvatysęčjedinnadsętògo goda: Hagskí sųd osųdil hṙvatskih vojnnyh vođev Antego Gotovinų i Mladena Markača za vojnné zločiny.

Šesťnadsętý apriľ dvatysęčjedinnadsętògo goda: Protivvlådná demonstracija pętdsęť tysęć ľuď byla v glåvnòm grådě Sŕbiji za prėdvrěmenné vybory. Dopoka ne bųdųt, prėdsědateľ Sŕbskòj Progresivnòj Partiji Tomislav Nikolič bųde dŕžatì glådovkų.

Šesťnadsętý apriľ dvatysęčjedinnadsętògo goda: Jak provlådné, tak i protivvlådné protesty protiv podkupu byli v Moskvě, glåvnòm grådě Rosiji.

Devętnadsętý apriľ dvatysęčjedinnadsętògo goda: Gruzija anulovala dogovor, kotorý pozvaľal Rosijě pristųp k jèj vojnnòj bazě Gjumri v Armenijě.

(по србизованам Словјанскам:)

Четирнадсети априљ дватисечјединнадсетога года: Бразилија, Росија, Индија, Китај и Јужна Африка учестнили в самите БРИКС в Сањје в јужнам Китаје.

Петнадсети априљ дватисечјединнадсетога года: Хагски суд осудил хрватских војнних вођев Антего Готовину и Младена Маркача за војнне злочини.

Шестьнадсети априљ дватисечјединнадсетога года: Противвладна демонстрација петдсеть тисећ људь била в главнам граде Србији за предвременне вибори. Допока не будут, председатељ Србскај Прогресивнај Партији Томислав Николич буде држати гладовку.

Шестьнадсети априљ дватисечјединнадсетога года: Јак провладне, так и противвладне протести против подкупу били в Москве, главнам граде Росији.

Деветнадсети априљ дватисечјединнадсетога года: Грузија ануловала договор, котори позваљал Росије приступ к јај војннај базе Гјумри в Арменије.

Zvųk (rpčpr): http://www.box.net/shared/y90ab6p815

4/09/2011

Mart-apriľ dvatysęčjedinnadsętògo goda / Март-априль дватысѧчѥдиннадсѧтъго года

(po Naučnòm Slovjanskòm:)

Dvadesęťpŕvý mart dvatysęčjedinnadsętògo goda: Premier-minister Rosiji Vladimir Vladimirovič Putin kritikoval rezolucijų ob situacijě v Libijě. On s`kazal, čo rěšeňje Sòvěta Bezpečnosti izjavja sę srėdňevěkovnòjų izzvòjų k krestovym pohodam.

Dvadesęťpętý mart dvatysęčjedinnadsętògo goda: Svjatoslav Ševčuk stal glåvòjų Ukrainskòj Grèkokatoličnòj Cŕkvy i kijevsko-galičkim arhiepiskopòm. Dopoka nyně on byl apostolskí administrator eparhiji Ohråny Prėsvętòj Bogorodici v Buenos-Ajresě.

Dvadesęťpętý mart dvatysęčjedinnadsętògo goda: Sejm Poľski s nevelikimi popravjaňjami utvŕdil vlådný projekt umènšajųćí pensijné v`klady. Zakon prėdali Senatu. Prėdpokladajųt, čo on bude v`stųpitì v silų pŕvògo maja tògo goda tu.

Dvadesęťsedmý mart dvatysęčjedinnadsętògo goda: V vśih velikih grådah Bòlgariji byl drugí nacionalný protest protiv vysokím cěnam paliva.

Dvadesęťosmý mart dvatysęčjedinnadsętògo goda: Sedmnasť bojovnikov i tri rosijské vojiny umrèli v vojovaňju v Ingušetijě v južnòj Rosijě. Areštovali dva podzrěvanyh za bombovų terorističnų atakų na Moskòvskòm Aeroportě Domodedovo.

Pŕvý apriľ dvatysęčjedinnadsętògo goda: FIFA izkľučila Bosnijų i Hercegovinų iz međunarodnògo futbola za nepridŕživaňje sę pravil. Futbolný sòjųz Bosniji i Hercegoviny imaje tri prezidentov - Bošňaka, Sŕba i Hṙvata - v`město jedin.

Pŕvý apriľ dvatysęčjedinnadsętògo goda: Međunarodný sųd Organizaciji Sòjediňenyh Narodov v Haagě odvŕgnųl podaňje Gruziji protiv Rosijě. Gruzija vinila, čo Rosija i separatisty učęstnili v etničnyh čistkach v Abhazijě i Južnòj Osetijě.

Pętý apriľ dvatysęčjedinnadsętògo goda: Rosija i Južná Koreja kritikovali Japonijų za to, čo ona izpuska radioaktivnų vodų v Tihí okean. Japonija obråňa sę, čo voda je malo radioaktivná i poslě avariji v Fukušimě to je najmènšé zlo.

(цьркъвнословıянскъѭ кирилицьѭ:)

Двадесѧтьпьрвый март дватысѧчѥдиннадсѧтъго года: Премѥр-министер Росийи Владимир Владимирович Путин критиковал резолуциѭ об ситуациѥ в Либиѥ. Он съказал, чо рѣшенѥ Съвѣта Безпечности изıявıя сѧ среднѥвѣковнъѭ иззвъѭ к крестовым походам.

Двадесѧтьпѧтый март дватысѧчѥдиннадсѧтъго года: Свıятослав Шевчук стал главъѭ Украинскъй Грькокатоличнъй Цьрквы и киѥвско-галичким архѥпископъм. Допока нынѣ он был апостолскій администратор епархийи Охраны Пресвѧтъй Богородици в Буенос-Айресѣ.

Двадесѧтьпѧтый март дватысѧчѥдиннадсѧтъго года: Сейм Польски с невеликими поправıянíями утвьрдил владный проѥкт умьншаѭћій пенсийне въклады. Закон предали Сенату. Предпокладаѭт, чо он буде въстѫпити в силѫ пьрвъго маıя тъго года ту.

Двадесѧтьседмый март дватысѧчѥдиннадсѧтъго года: В всих великих градах Българийи был другій націоналный протест против высокійм цѣнам палива.

Двадесѧтьосмый март дватысѧчѥдиннадсѧтъго года: Седмнасть бойовников и три росийске войины умрьли в войованíю в Ингушетиѥ в ıюжнъй Росиѥ. Арештовали два подзрѣваных за бомбовѫ терористичнѫ атакѫ на Москъвскъм Аеропортѣ Домодедово.

Пьрвый априль дватысѧчѥдиннадсѧтъго года: ФИФА изключила Босниѭ и Херцеговинѫ из међународнъго футбола за непридьрживанѥ сѧ правил. Футболный съѭз Боснийи и Херцеговины имаѥ три президентов - Бошняка, Сьрба и Хървата - въмѣсто ѥдин.

Пьрвый априль дватысѧчѥдиннадсѧтъго года: Међународный сѫд Организацийи Съѥдинѥных Народов в Хаагѣ одвьргнѫл поданѥ Грузийи против Росиѥ. Грузиıя винила, чо Росиıя и сепаратисты учѧстнили в етничных чистках в Абхазиѥ и Iюжнъй Осетиѥ.

Пѧтый априль дватысѧчѥдиннадсѧтъго года: Росиıя и Iюжна Кореıя критиковали Iяпониѭ за то, чо она изпуска радіоактивнѫ водѫ в Тихій океан. Iяпониıя обраня сѧ, чо вода ѥ мало радіоактивна и послѣ аварийи в Фукушимѣ то ѥ наймьнше зло.

Zvųk (rppčrčrč): http://www.box.net/shared/nvcv077on6

3/26/2011

Mart dvatysęčjedinnadsętògo goda / Март дватысечединнадсетого года

(po Naučnòm Slovjanskòm:)

Jedinadsętý mart dvatysęčjedinnadsętògo goda: Poslě zemjetręšeňja v Japonijě prėduprėđajųt protiv cunami v Sòjediňenyh Štatah Ameriki, Rosijě, Indonezijě, Papuě Novòj Gvinejě i na Tajvaně.

Sedmnadsętý mart dvatysęčjedinnadsętògo goda: Gennadij Janin, direktor baletnòj trupy moskovskògo Boľšègo Teatra, odstųpil sę. Raněj sę na internetě objavili jègo erotičné fotografiji, kak sę tvŕdi. Zaměnil jègo Jan Godovskí. Srėdstva v Rosijě ćuđęt sę, jesli to je čęsť klevetničkòj kampaniji protiv Gennadiju Janinu.

Devętnadsętý mart dvatysęčjedinnadsętògo goda: Marija Rišová iz Němècki i Ivica Kostelič iz Hṙvatiji vyigrali kubòk světa v alpijskòm lyžnom sportě v ženskih i mužskih disciplinah.

Dvadsętý mart dvatysęčjedinnadsętògo goda: Bezpečnostná služba Izraeľa priznala, čo ona areštovala gazkògo inženera Dirara Abu Sisigo. On izčeznųl na Ukrajině nemalo dvě sedmici tòmu. Jègo žena myslila, čo Mosad odvedl jègo.

(по русификованом Словянском:)

Единадсеты март дватысечединнадсетого года: После земетрешеня в Японие предупреджают против цунами в Соединьеных Штатах Америки, Росие, Индонезие, Папуэ Новой Гвинее и на Тайване.

Седмнадсеты март дватысечединнадсетого года: Геннадий Янин, директор балетной трупы московского Большего Театра, одступил се. Раней се на интернете обявили его эротичне фотографии, как се тврди. Заменил его Ян Годовски. Средства в Росие чуджет се, если то е честь клеветничкой кампании против Геннадию Янину.

Деветнадсеты март дватысечединнадсетого года: Мария Ришова из Немецки и Ивица Костелич из Хрватии выиграли кубок света в алпийском лыжном спорте в женских и мужских дисциплинах.

Двадсеты март дватысечединнадсетого года: Безпечностна служба Израэля признала, чо она арештовала газкого инженера Дирара Абу Сисиго. Он изчезнул на Украине немало две седмици тому. Его жена мыслила, чо Мосад одведл его.

Zvųk (rrčp): http://www.box.net/shared/j7uctfy601

3/12/2011

Fevruař-mart dvatysęčjedinnadsętògo goda / Февруар-март дватисячєдиннадсятого года

(po Naučnòm Slovjanskòm:)

Dvadesęťtretí fevruař dvatysęčjedinnadsętògo goda: Rosija, Francija, Italija, Grècija i iné kraji evakuujųt svojich gråđanov iz Libiji.

Dvadesęťšestý fevruař dvatysęčjedinnadsętògo goda: Desętki tysęć demonstrantov sę sòbrali na Ploščě Bana Jelačiča v Zagrebě, glåvnòm grådě Hṙvatiji. Oni protestovali protiv obviňeňju veteranov vojny v Hṙvatijě i protiv vlådě Jadranki Kosorovòj. Protesty izrodili sę v konflikty s policijèjų. Nekoľko desętkov ľuď poranili ili areštovali.

Dvadesęťsedmý fevruař dvatysęčjedinnadsętògo goda: Generalný sekretař Organizaciji Sòjediňenyh Narodov Pan Ki Mun kritikoval Běloruś. On s`kazal, čo ona seriozno narušila međunarodnó embargo na podavaňje orųđja Brėgu Slonovòj Kosti. Ona podala tri atačné vŕtolety i vojnný material vòorųženym silam poddŕživajųćim Lorana Gbagbo.

Dvadesęťosmý fevruař dvatysęčjedinnadsętògo goda: Rosatom, rosijská dŕžavná jędrnoenergetičná kompanija, objasnila, čo otvořeňje jędrnòj elektrostanciji v Bušerě v Iraně opozdnili za poškođeňje hlådilnyh pomp jędrnògo reaktora.

(по украинизованом Словянском:)

Двадесятьтретий февруар дватисячєдиннадсятого года: Росия, Франция, Италия, Греция и ині краї евакууют своїх горожанов из Либиї.

Двадесятьшестий февруар дватисячєдиннадсятого года: Десятки тисяч демонстрантов ся собрали на Площі Бана Єлачича в Загребі, головном городі Хорватиї. Они протестовали против обвинєнню ветеранов войни в Хорватийі и против володі Ядранки Косоровой. Протести изродили ся в конфликти с полициєю. Неколько десятков людь поранили или арештовали.

Двадесятьседмий февруар дватисячєдиннадсятого года: Генералний секретар Организациї Соєдинєних Народов Пан Ки Мун критиковал Білорусь. Он сказал, чо она сериозно нарушила межународне ембарго на подавання оружа Берегу Слоновой Кости. Она подала три атачні вертолети и войнний материал вооруженим силам поддерживаючим Лорана Гбагбо.

Двадесятьосмий февруар дватисячєдиннадсятого года: Росатом, росийска державна ядрноенергетична компания, обяснила, чо отворєння ядрной електростанциї в Бушері в Ирані опозднили за пошкоження холодилних помп ядрного реактора.

Zvųk (rčpr): http://www.box.net/shared/ktuzrimx75

2/26/2011

Fevruař dvatysęčjedinnadsętògo goda / Февруарь дватисечјединнадсетога года

(po Naučnòm Slovjanskòm:)

Šestý fevruař dvatysęčjedinnadsętògo goda: Palestinské lidri pri sųstrěčě v Mjunheně izrazili svoje råzočarovaňje Blizkovòshodnym Kvartetòm. To je Organizacijèjų Sòjediňenyh Nacij, Eùropejskòjų Unijèjų, Sòjediňenymi Štatami i Rosijèjų. Blizkovòshodný Kvartet odvŕgnųl ih izzvų k jednostrånnòj dŕžavnosti. On takože ne dogovoril sę na silnòj pozicije k budovaňju izraelskih poseľeňj.

Sedmý fevruař dvatysęčjedinnadsętògo goda: Ľuka Hardinga, korespondenta britanskòj gazety Gardian v Moskvě, izgnali iz Rosiji. Gardian opublikoval sòjediňenoštatné telegramy, sòglåsno kotorym je Rosija mafioznòjų dŕžavòjų.

Sedmnadsętý fevruař dvatysęčjedinnadsętògo goda: Republika Kosovo slavila tretí jubilej oglåšeňja svojèj nezaležnosti na Sŕbiji.

Dvadsętý fevruař dvatysęčjedinnadsętògo goda: Libijská armija napadla protestujųćih. Ona ih ubila vyše mnogo než dvasto i poranila ih devętsto.

(по србизованам Словјанскам:)

Шести февруарь дватисечјединнадсетога года: Палестинске лидри при сустрече в Млјунхене изразили своје разочаровањје Близковасходним Квартетам. То је Организацијају Саједињених Нациј, Европејскају Унијају, Саједињеними Штатами и Росијају. Близковасходни Квартет одвргнул их иззву к једностраннај државности. Он такоже не договорил се на силнај позиције к будовањју израелских посељењј.

Седми февруарь дватисечјединнадсетога года: Љука Хардинга, кореспондента британскај газети Гардиан в Москве, изгнали из Росији. Гардиан опубликовал саједињеноштатне телеграми, сагласно которим је Росија мафиознају државају.

Седмнадсети февруарь дватисечјединнадсетога года: Република Косово славила трети јубилеј оглашењја својај незалежности на Србији.

Двадсети февруарь дватисечјединнадсетога года: Либијска армија нападла протестујућих. Она их убила више много неж двасто и поранила их деветсто.

Zvųk (rpčč): http://www.box.net/shared/epsne8gxfp

2/12/2011

Januař-fevruař dvatysęčnògo jedinnastògo goda / Януар-февруар дватисячного єдиннастого года

(po Naučnòm Slovjanskòm:)

Dvadesętý pętý januař dvatysęčnògo jedinnastògo goda: Sųd v Sŕbijě osųdil četyrnasť futbolnyh huliganov, jednògo k uvęzňeňju daže na tridesęť pęť godov, za ubijstvo dvadesętiosmiletnògo francuzkògo fanata prėd dva godami v Belgradě.

Dvadesętý šestý januař dvatysęčnògo jedinnastògo goda: Prezident Rosiji Dmitrij Anatoljevič Medvedev uvoľnil vŕhnyh bezpečnostnyh činovnikov Moskòvskògo Aeroporta Domodedovo, gde samoubijstvèný bombový terorist prėd dva dňami ubil tridesęť pęť i poranil sto tridesęť ľuď.

Tridesętý pŕvý januař dvatysęčnògo jedinnastògo goda: Eùropejská Unija i Sòjediňené Štaty Ameriki naložili nové sankciji na prezidenta Bělorusiji Аľaksandra Rygoraviča Lukašenka i jègo blizkih tovariščov.

Drugí fevruař dvatysęčnògo jedinnastògo goda: Prezident Rosiji Dmitrij Anatoljevič Medvedev råzširil kremlevskí sòvět prav člověka i upòlnomoćil jègo råzslědovatì slučaji Sergeja Leonidoviča Magnitskògo i Mihaila Borisoviča Hodorkovskògo.

Pętý fevruař dvatysęčnògo jedinnastògo goda: V Belgradě byla najvelikějšá protivvlådná demonstracija poslědnyh lět. Tysęći råzočarovanyh Sŕbov prijěhali iz cělògo kraja k parlamentu, čoby tam vyzvali k prėdvrěmennym vyboram. Prėdsědateľ Sŕbskòj Progresivnòj Partiji Tomislav Nikolič s`råvnil to sòbyťje tu s povstaňjami v Tunizijě i Egiptě.

Pętý fevruař dvatysęčnògo jedinnastògo goda: Dejli Telegraf opublikoval utečené sòjediňenoštatné diplomatičné telegramy iz Vikiliks, sòglåsno kotorym Sòjediňené Štaty Ameriki podavali Rosijě serijný nomer vśakòj rakety Trajdent, kotorų dostavili Objediňenómu Krålevstvu. V zaměnų za to Rosija podpisala dogovor ob jędrnóm råzorųžeňju Start Tri.

(по українизованом Словянском:)

Двадесятий п’ятий януар дватисячного єдиннастого года: Суд в Сербийі осудил четирнасть футболних хулиганов, єдного к ув’язнєнню даже на тридесять п’ять годов, за убийство двадесятиосмилетного французкого фаната перед два годами в Белграді.

Двадесятий шестий януар дватисячного єдиннастого года: Президент Росиї Дмитрий Анатолєвич Медведев увольнил верхних безпечностних чиновников Московского Аеропорта Домодедово, где самоубийствений бомбовий терорист перед два днями убил тридесять п’ять и поранил сто тридесять людь.

Тридесятий первий януар дватисячного єдиннастого года: Европейска Уния и Соєдинєні Штати Америки наложили нові санкциї на президента Білорусиї Аляксандра Ригоравича Лукашенка и єго близких товарищов.

Другий февруар дватисячного єдиннастого года: Президент Росиї Дмитрий Анатолєвич Медведев розширил кремлевский совіт прав чловіка и уполномочил єго розслідовати случаї Сергея Леонидовича Магнитского и Михаила Борисовича Ходорковского.

П’ятий февруар дватисячного єдиннастого года: В Белграді била найвеликійша противволодна демонстрация послідних літ. Тисячи розочарованих Сербов прийіхали из цілого края к парламенту, чоби там визвали к передвріменним виборам. Передсідатель Сербской Прогресивной Партиї Томислав Николич соровнил то собитьє ту с повстаннями в Тунизийі и Египті.

П’ятий февруар дватисячного єдиннастого года: Дейли Телеграф опубликовал утечені соєдинєноштатні дипломатичні телеграми из Викиликс, соголосно которим Соєдинєні Штати Америки подавали Росийі серийний номер всякой ракети Трайдент, котору доставили Обєдинєнему Королевству. В заміну за то Росия подписала договор об ядрнем розоруженню Старт Три.

zvųk: http://www.box.net/shared/r80drnh3hs

1/29/2011

Januař dvatysęčnògo jedinnastògo goda / Януарь дватысячного единнастого года

(po Naučnòm Slovjanskòm:)

Četyrnastý januař dvatysęčnògo jedinnastògo goda: Britanská naftná i gazová kompanija Bi Pi podpisala dogovor s rosijskòjų kompanijèjų Rosnefť ob dobyvaňju potencialno ogromnyh resursov nafty i gaza v arktičnòm šelfě Rosiji.

Pętnastý januař dvatysęčnògo jedinnastògo goda: Eùropejská Unija, Kitajská Narodná Republika i Rosija odvŕgnųli pozvaňje k dvudènnòmu pųťu danòmu Iranòm kak gest dobròj voli i prozråčnosti i kak odgovor na zagraničné bojazni ob jègo jędrnòj programě. Pųť grupy međunarodnyh diplomatov sę počina v tòm dně tu.

Osmnastý januař dvatysęčnògo jedinnastògo goda: Prezident Rosiji Dmitrij Anatoljevič Medvedev pŕvý raz kak glåva dŕžavy posětil Zapadný Brėg Jordana. On potvŕdil, čo on poddŕživa neodčuđamó pravo palestinskògo naroda na nezaležný štat s glåvnym grådòm v Vòshodnòm Jerusalimě.

Dvadesętý januař dvatysęčnògo jedinnastògo goda: Dvě bomby jednočasno vybuhnųli v Makejevkě, ruskòm grådě na vòshodnòj Ukrajině. Nikto sę ne poranil. Grupa odpovědalná za ataku grozi dalejšimi vybuhami, dopoka jej ne bųde zaplaćenó.

Dvadesętý januař dvatysęčnògo jedinnastògo goda: Prezident Afganistana Hamid Karzaj, s`provađaný ministrami i biznesmanami, prijěhal v Rosijų.

(по русификованом Словянском:)

Четырнастый януарь дватысячного единнастого года: Британская нафтная и газовая компания Би Пи подписала договор с росийскою компаниею Роснефть об добыванию потенциално огромных ресурсов нафты и газа в арктичном шелфе Росии.

Пятнастый януарь дватысячного единнастого года: Эвропейская Уния, Китайская Народная Република и Росия одвергнули позвание к двуденному путю даному Ираном как гест доброй воли и прозорочности и как одговор на заграничные боязни об его ядрной програме. Путь групы межународных дипломатов ся почина в том дне ту.

Осмнастый януарь дватысячного единнастого года: Президент Росии Дмитрий Анатольевич Медведев первый раз как голова державы посетил Западный Берег Йордана. Он потвердил, чо он поддержива неодчужамое право палестинского народа на незалежный штат с головным городом в Восходном Ерусалиме.

Двадесятый януарь дватысячного единнастого года: Две бомбы едночасно выбухнули в Макеевке, руском городе на восходной Украине. Никто ся не поранил. Група одповедалная за атаку грози далейшими выбухами, допока ей не буде заплаченое.

Двадесятый януарь дватысячного единнастого года: Президент Афганистана Хамид Карзай, спроважаный министрами и бизнесманами, приехал в Росию.

1/15/2011

Dekembr dvatysęčnògo desętògo goda i januař dvatysęčnògo jedinnastògo goda / Декембр дватисечнога десетога года и јануарь дватисечнога јединнастога г.

(po Naučnòm Slovjanskòm:)

Dvadesętý pṛvý dekembr dvatysęčnògo desętògo goda: Čṛnogorskí premier-minister Milo Džukanovič abdikoval, za nųđų novògo voďeňja i za svoje naměřeňje posvętitì sę biznesu.

Dvadesętý drugí dekembr dvatysęčnògo desętògo goda: Sedm iz devęť prezidentskih kandidatov v Bělorusi, obviňenyh za organizovaňje masovyh bezporędkov, može sòglåsno ľudskopravnym organizacijam dostatì pętnast godov uvęzňeňja.

Pętý januař dvatysęčnògo jedinnastògo goda: Čempionat světa juniorov po hokejě na ledě v Bafalě v štatě Ňujork na sěverovòshodě Sòjediňenyh Štatov Ameriki sę zakončil vytęztvòm Rosiji nad Kanadòjų pęť k tri; tak Rosija pṛvý raz od dvatysęčnògo tretègo goda vyigrala zlåtų medaľjų. Gostijųćé Sòjediňené Štaty porazili Švecijų v igrě za bronzovų medaľjų.

(по србизованам Словјанскам:)

Двадесети први декембр дватисечнога десетога года: Чрногорски премиер-министер Мило Джуканович абдиковал, за нуђу новога водьењја и за своје намерьењје посветити се бизнесу.

Двадесети други декембр дватисечнога десетога года: Седм из деветь президентских кандидатов в Белоруси, обвињених за организовањје масових безпоредков, може сагласно људскоправним организацијам достати петнаст годов увезњењја.

Пети јануарь дватисечнога јединнастога года: Чемпионат света јуниоров по хокеје на леде в Бафале в штате Њујорк на северовасходе Саједињених Штатов Америки се закончил витезтвам Росији над Канадају петь к три; так Росија први раз од дватисечнога третаго года вииграла злату медаљју. Гостијуће Саједињене Штати поразили Швецију в игре за бронзову медаљју.

1/02/2011

Dekembr dvatysęčnògo desętògo goda / Декембр дватисячного десятого года

(po Naučnòm Slovjanskòm:)

Osmý dekembr dvatysęčnògo desętògo goda: Nové utečené sòjediňenoštatné diplomatičné telegramy opublikované vebsajtòm Vikiliks odkryli, čo Sòjediňené Štaty raněj v tòm godě tut lobovali pri Rosijě, čoby Viza i Masterkard ne byli negativno ovplyvňené novym zakonòm. Obě kompaniji nedavno odložili vśe vyplaty vebsajtu Vikiliks, prêdpokladano za to, čo prišli pod intensivný natisk sòjediňenoštatnòj vlådy.

Desętý dekembr dvatysęčnògo desętògo goda: Urędy v Hṛvatijě vydali order na arešt byvšògo premier-ministra Iva Sanadera za podzrěňje podkupa. Potòm jègo areštovali.

Devętnastý dekembr dvatysęčnògo desętògo goda: V Bělorusi byli prezidentské vybory. Tysęći opozicijnyh protestujųćih sę strětili s specialnòjų milicijèjų pri centralě vlådy v Minskě. Opozicijný kandidat Uladzimir Ňakľajev sę seriozno poranil. Tri ďalejših prezidentskih kandidatov — Mikalaja Statkěviča, Rygora Kastuśova i Andreja Sannikava — vzęli pod stråžų zajedno s sòtňami inyh protestujųćih.

(по українизованом Словянском:)

Осмий декембр дватисячного десятого года: Нові утечені соєдинєноштатні дипломатичні телеграми опубликовані вебсайтом Викиликс одкрили, чо Соєдинєні Штати раній в том годі тут лобовали при Росийі, чоби Виза и Мастеркард не били негативно овпливнєні новим законом. Обі компаниї недавно одложили всє виплати вебсайту Викиликс, передпокладано за то, чо пришли под интенсивний натиск соєдинєноштатной володи.

Десятий декембр дватисячного десятого года: Ур’яди в Хорватийі видали ордер на арешт бившого премиер-министра Ива Санадера за подзріння подкупа. Потом єго арештовали.

Дев’ятнастий декембр дватисячного десятого года: В Білоруси били президентскі вибори. Тисячи опозицийних протестуючих ся стрітили с специалною милициєю при централі володи в Минскі. Опозицийний кандидат Уладзимир Някляєв ся сериозно поранил. Три дялейших президентских кандидатов — Микалая Статківича, Ригора Кастусьова и Андрея Санникава — взяли под сторожу заєдно с сотнями иних протестуючих.

12/11/2010

Novembr-dekembr dvatysęčnògo desętògo goda / Новембр-декембр дватысѧчнъго десѧтъго года

(po Naučnòm Slovjanskòm:)

Dvadesętý pèrvý novembr dvatysęčnògo desętògo goda: Sěverozapadna Rosija gosti samit Međunarodnògo Foruma ob Tigrah v Sankt-Peterburgě. To je sųstrěča međunarodnyh ekspertov ob divokyh životnah i činovnikov iz trinast krajev, kotoré bųdųt diskutovatì ob ohrôně tigrov, za to čo bez něj by oni mogli izmrètì do dvanast godov.

Pèrvý dekembr dvatysęčnògo desętògo goda: Rosijskí Gazprom i Naftogaz Ukrajiny sę dogovorili založitì dva objediňenyh prêdprijemstòv poslě sųstrěči među glôvnym izkonavčim direktoròm Gazproma Aleksejèm Borisovičèm Milleròm i ministròm paliva i energetiky Ukrajiny Jurijèm Anatolijevičèm Bojkòm.

Pętý dekembr dvatysęčnògo desętògo goda: Sèrbija pèrvý raz v istorijě izigrala tenisový Kubòk Devisa, kògda Sèrb Viktor Troickí nadigral Francuza Mikaela Ľodrų v rěšajųćèj igrě.

(цьркъвнословıянскъѭ кирилицьѭ:)

Двадесѧтый пьрвый новембр дватысѧчнъго десѧтъго года: Сѣверозападна Росиıя гости самит Међународнъго Форума об Тиграх в Санкт-Петербургѣ. То ѥ сѫстрѣча међународных експертов об дивокых животнах и чиновников из тринаст краѥв, которе бѫдѫт дискутовати об охранѣ тигров, за то чо без нѣй бы они могли измрьти до дванаст годов.

Пьрвый декембр дватысѧчнъго десѧтъго года: Росийскій Газпром и Нафтогаз Украйины сѧ договорили заложити два обѥдинѥных предприѥмстъв послѣ сѫстрѣчи међу главным изконавчим директоръм Газпрома Алексейьм Борисовичьм Миллеръм и министръм палива и енергетикы Украйины Iюрийьм Анатолиѥвичьм Бойкъм.

Пѧтый декембр дватысѧчнъго десѧтъго года: Сьрбиıя пьрвый раз в историѥ изиграла тенисовый Кубък Девиса, къгда Сьрб Виктор Троицкій надиграл Француза Микаwела Льодрѫ в рѣшаѭћьй игрѣ.

11/27/2010

Novembr dvatysęčnògo desętògo goda / Новембр дватисячного десятого года

(po Naučnòm Slovjanskòm:)

Šestý novembr dvatysęčnògo desętògo goda: Statujų Hrista Cara, najvysokějšų statujų Isusa v světě, zakončili v Śvebodzině v zapadnòj Poľskě.

Dvanastý novembr dvatysęčnògo desętògo goda: Rosijský premier-minister Vladimir Vladimirovič Putin prijěhal v Sofijų, da by dogovařal s svojim bòlgarskim kolegòjų Bojkòm Metodijevòm Borisovòm.

Četyrnastý novembr dvatysęčnògo desętògo goda: Byvší britanskí vojin, tutčasný pěvateľ-pěsenik Džejms Blant, s`kazal, čo on ohrônil svět prêd tretèjų vśesvětovòjų vojnòjų, kògda on ne poslušil přamó porųčeňje, da by jègo grupy napadli rosijskyh vojinov. Tutto porųčeňje dal amerikanskí general Vesli Klark na Kosově v tysęčnòm devętsòtnòm devętdesętòm devętòm godě.

Dvadesętý novembr dvatysęčnògo desętògo goda: Devęť turistov - tri iz Rosiji i dva iz Ukrajiny - umrèli poslě avariji aùtobusa v Egiptě.

(по украінизованом Слов’янском:)

Шестий новембр дватисячного десятого года: Статую Христа Цара, найвисокійшу статую Исуса в світі, закончили в Сьвебодзині в западной Польскі.

Дванастий новембр дватисячного десятого года: Росийский премиер-министер Владимир Владимирович Путин прийіхал в Софию, да би договарял с своїм болгарским колегою Бойком Методиєвом Борисовом.

Четирнастий новембр дватисячного десятого года: Бивший британский воїн, тутчасний піватель-пісеник Джеймс Блант, сказал, чо он охоронил світ перед третею всєсвітовою войною, когда он не послушил пряме поручення, да би єго групи нападли росийских воїнов. Тутто поручення дал американский генерал Весли Кларк на Косові в тисячном дев’ятсотном дев’ятдесятом дев’ятом годі.

Двадесятий новембр дватисячного десятого года: Дев’ять туристов - три из Росиї и два из України - умрели послі авариї автобуса в Египті.

11/13/2010

Oktobr-novembr dvatysęčnògo desętògo goda / Октобр-новембр дватисечнога десетога года

(po Naučnòm Slovjanskòm:)

Dvadesętý drugý oktobr dvatysęčnògo desętògo goda: Tri bomby vybuhnųly prêd vladnymi urędami v Kirovogradě na srêdnòj Ukrajině, prêd tym, než grôd posětil ukrajinský prezident Viktor Fedorovyč Janukovyč.

Dvadesętý tretí oktobr dvatysęčnògo desętògo goda: Poslě vyborov opozicijné socialdemokrati ovladli český senat, ktorý tak bųde mogtì protivjatì sę pravicnòj vladě.

Tridesętý oktobr dvatysęčnògo desętògo goda: Afganský prezident Hamid Karzaj kritikoval Rosijų poslě tògo, čo jèj sily vstųpili v kraj bez pozvoleňja i "narušili afganský suverenitet" v objediňenòj misijě s Sòjediňenymi Štatami Ameriky. Karzaj porųčil slědstvo.

Pèrvý novembr dvatysęčnògo desętògo goda: Rosijský prezident Dmitrij Anatoľevič Medvedev posětil Kunašir, jedin iz južnyh Kurilskyh ostrovov spornyh medźu Japonijèjų i Rosijèjų (konkretno Sahalinskòjų oblasťjų v vòshodnòj Rosijě). Japonský premier-minister Naoto Kan opisal vizitų Medvedeva kak žalostnų.

Drugý novembr dvatysęčnògo desętògo goda: Posylòčné bomby vybuhnųly na rosijskòj, meksikanskòj i švejcarskòj ambasadě v Grècijě. Podobné pakety v poslědnyh dva dňah poslali ili adresovali bòlgarskòj, němèckòj, niderlandskòj, belgijskòj i čilijskòj ambasadě. Němècká policija oneškodnila poštné bomby poslané iz Grèciji urędu kanclerky Angely Merkelovòj. Podobné posylky adresované francuzkòmu prezidentu Nikolě Sarkozimu i italijanskòmu premier-ministru Silviu Berluskonimu odkryli na drogě. Grècija zamrôzila medźunarodné poštné i posylòčné služby na četyrdesęť osèm časin.

(по србизованам Словјанскам:)

Двадесети други октобр дватисечнога десетога года: Три бомби вибухнули пред владними уредами в Кировограде на среднај Украјине, пред тим, неж град посетил украјински президент Виктор Федорович Јанукович.

Двадесети трети октобр дватисечнога десетога года: После виборов опозицијне социалдемократи овладли чески сенат, ктори так буде могти противљати се правицнај владе.

Тридесети октобр дватисечнога десетога года: Афгански президент Хамид Карзај критиковал Росију после тога, чо јај сили вступили в крај без позволења и "нарушили афгански суверенитет" в обједињенај мисије с Саједињеними Штатами Америки. Карзај поручил следство.

Први новембр дватисечнога десетога года: Росијски президент Дмитриј Анатољевич Медведев посетил Кунашир, једин из јужних Курилских островов спорних међу Јапонијају и Росијају (конкретно Сахалинскају обласћу в васходнај Росије). Јапонски премиер-министер Наото Кан описал визиту Медведева как жалостну.

Други новембр дватисечнога десетога года: Посилачне бомби вибухнули на росијскај, мексиканскај и швејцарскај амбасаде в Грације. Подобне пакети в последних два дњах послали или адресовали бугарскај, немацкај, нидерландскај, белгијскај и чилијскај амбасаде. Немацка полиција онешкоднила поштне бомби послане из Грацији уреду канцлерки Ангели Меркеловај. Подобне посилки адресоване французкаму президенту Николе Саркозиму и италијанскаму премиер-министру Силвиу Берлускониму одкрили на дроге. Грација замразила међународне поштне и посилачне служби на четирдесет осам часин.

10/30/2010

Oktobr dvatysęčnògo desętògo goda / Октобр дватисячного десятого года

(po Naučnòm Slovjanskòm:)

Desętý oktobr dvatysęčnògo desętògo goda: V Bělgradě byl pèrvý marš homoseksuaľov v Sèrbiji od dvatysęčnògo pèrvògo goda. Sto desęť ľuď poranilo sę i dvasto ľuď areštovali v konfliktě medźu policijèjų i ľuďami protestujųćimi protiv homoseksuaľam.

Sedèmnastý oktobr dvatysęčnògo desętògo goda: Papa Benedykt Šesťnastý kanonizoval Mery Makilopovų prêd pętdesęť tysęć ľudami na Ploščě Svętògo Petra v Vatikaně. Ona tak stala pèrvòjų aùstralijskòjų svętòjų. Dalějšyh pęť kanonizovanyh ľuď: Andre Beset iz Kanady, Stanislav Soltys iz Poľsky, Džulija Saľcanová i Kamiľa Batysta da Varano iz Italiji, i Kandyda Marija de Hesus iz Išpaniji.

Osèmnastý oktobr dvatysęčnògo desętògo goda: Latyšskó ministerstvo obrôny oglôsilo, čo dva rosijské samolety letijųćé v neùtraľnòm vòzdušnòm prostorě bez malògo vletěly do latyšskògo vòzdušnògo prostora i bylo protiv nim treba upotrebitĭ četyri iztrebiteli NATO iz vojnno-vozdušnòj bazy blizko Šavòl v severnòj Litvě.

(по украінизованом Слов’янском:)

Десятий октобр дватисячного десятого года: В Білграді бил первий марш хомосексуальов в Сербії од дватисячного первого года. Сто десять людь поранило ся і двасто людь арештовали в конфликті межу полициєю і людями протестуючими против хомосексуалям.

Седемнастий октобр дватисячного десятого года: Папа Бенедикт Шестьнастий канонизовал Мери Макилопову перед п’ятдесять тисяч людами на Площі Св’ятого Петра в Ватикані. Она так стала первою австралийскою св’ятою. Далійших п’ять канонизованих людь: Андре Бесет із Канади, Станислав Солтис із Польски, Джулія Сальцанова і Камиля Батиста да Варано із Італії, і Кандида Марія де Хесус із Ішпанії.

Осемнастий октобр дватисячного десятого года: Латишске министерство оборони оголосило, чо два росийскі самолети летіючі в невтральном воздушном просторі без малого влетіли до латишского воздушного простора і било против ним треба употребити четири ізтребители НАТО із войнно-воздушной бази близко Шавол в северной Литві.

1/04/2009

Le Figaro: Česki prezident jest' evropejski problem / Ле Фигаро: Чески президент јесть европејски проблем

2i januar' 2009 - Publični neprijatel', Doktor Ne i problem od Evropejska Unija - tak francuzska pravična denna gazeta Le Figaro (po francuzski Le Figaro) opisala česki prezident Vaclav Klaus (po česki Václav Klaus) v den', kogda česke predsedatelstvo od Evropejska Unija počalo s'a. "Vaclav Klaus učini libočo, čobi on narušil sledujuče šest' mes'aci," internetna versija od Le Figaro napisala; "česki premier-minister Mirek Topolanek (po česki Mirek Topolánek) bude imat' t'ažka robota". V dolgi tekst, gde nektore sporne mnenija od česki prezident su rez'umovane, gazeta tož misli ob to, za čo samozvani unijni disident Klaus tak mnogo nenavidi Evropejska Unija. "Klaus više hoče bit' velika riba v mali basen než mala riba v veliki," Le Figaro cituje česki politolog Irži Pehe (po česki Jiří Pehe) jak odpoved'.

Dalej gazeta govori ob Klaus jak ob černa ovca od evropejska politika: "On govori ob evropejska integracija od Čehija jak ob važna pogreška, ob projekt od evropejska konstitucija jak ob važna grozba, kogda jego kraj mogl rozpustit' s'a v Evropejska Unija jak cukerni kub v kava, i ob usilije ohron'at' klimat jak ob tragedija dl'a človečestvo."

Na konec Le Figaro piše ob česki prezident jak ob "doktor Ne": "Protivnik od br'uselske „tehnokrati“, veliki nepriajtel' od vse, čo jest' više ili mene mnogo podobno na ekolog, jedina val'uta, ohron'ajuči štat, zakoni protiv dimenije, evropejske nakazanije od nakazanije, protivdiskrimincijni zakon, ktori jest' „neupotrebimi“ i „sporni“, nezaležnost' od Kosovo, sjedinenoštatna protivraketna obrona, i to vse v imeno od „česke narodne interesi“."

(od Denik)

2и јануарь 2009 - Публични непријатель, Доктор Не и проблем од Европејска Унија - так французска правична денна газета Ле Фигаро (по французски Le Figaro) описала чески президент Вацлав Клаус (по чески Václav Klaus) в день, когда ческе председателство од Европејска Унија почало сьа. "Вацлав Клаус учини либочо, чоби он нарушил следујуче шесть месьаци," интернетна версија од Ле Фигаро написала; "чески премиер-министер Мирек Тополанек (по чески Mirek Topolánek) буде имать тьажка робота". В долги текст, где некторе спорне мненија од чески президент су резьумоване, газета тож мисли об то, за чо самозвани унијни дисидент Клаус так много ненавиди Европејска Унија. "Клаус више хоче бить велика риба в мали басен неж мала риба в велики," Ле Фигаро цитује чески политолог Иржи Пехе (по чески Jiří Pehe) јак одповедь.

Далеј газета говори об Клаус јак об черна овца од европејска политика: "Он говори об европејска интеграција од Чехија јак об важна погрешка, об пројект од европејска конституција јак об важна грозба, когда јего крај могл розпустить сьа в Европејска Унија јак цукерни куб в кава, и об усилије охроньать климат јак об трагедија дльа чловечество."

На конец Ле Фигаро пише об чески президент јак об "доктор Не": "Противник од брьуселске „технократи“, велики неприајтель од все, чо јесть више или мене много подобно на еколог, једина вальута, охроньајучи штат, закони против дименије, европејске наказаније од наказаније, противдискриминцијни закон, ктори јесть „неупотребими“ и „спорни“, незалежность од Косово, сјединеноштатна противракетна оброна, и то все в имено од „ческе народне интереси“."

(од Деник)

12/21/2008

Словацки президент забронил закон об мадьарске местне имена посредством вето

Slovacki prezident zabronil zakon ob mad'arske mestne imena posredstvom veto

19i dekembr 2008 - Slovacki prezident Ivan Gašparovič (po slovacki Ivan Gašparovič) v pjatok položil veto na zakon nedavno akceptovani od parlament, ktori bi pozvolil upotrebl'anije od mad'arske mestne imena v područniki; tutto veto moglo bi rozdut' plomeni od dolgi spor medžu Slovakija i Mad'arija. Tutčasni slovacki zakon pozvol'a upotrebl'anije od tol'ko slovacke mestne imena, daže v područniki dl'a mad'arske obitateli od kraj. Tutta vešč pričinila značne napruženije medžu Slovakija i des'at procent od jej naselenije, ktore jest' mad'arske, podderžovane od Mad'arija. Predloženi zakon tutčas bude poslani nazad k druge glosovanije. Jesli on bude akceptovani od proste množinstvo v 150členni slovacki parlament, prezidentske veto bude avtomatično anulovane i zakon bude akceptovani.

Mad'arske ministerstvo od obrazovanije virazilo "gluboki žal", čo zakon ne stal efektivni. Minister od zagranične vešči Gergej Arato (po mad'arski Arató Gergely) skazal, čo zakon bil krok k naidenije od kompromis v situacija medžu Mad'arija i Slovakija. "Mi tol'ko možeme nadejat' s'a, čo parlament v Bratislava (po slovacki Bratislava) naide rešenije, ktore jest' akceptovame dl'a mad'arske naselenije v Slovakija," Arato skazal. Slovacko ministerstvo od zagranične vešči odvergnulo komentovat' to. "Rešenije jest' znovu zaležne na slovacki parlament. Mi ne znajeme, za čo vmešivat' s'a v tutta nezakončena procedura ili komentovat' jej," predstavitel' Jan Škoda (po slovacki Ján Škoda) skazal.

Odnošenija medžu Mad'arija i Slovakija stali značno narušene, kogda levična populistična partija Smer (po slovacki Smer – sociálna demokracia) i jej predsedatel' Robert Fico (po slovacki Robert Fico) iztvorili koalicijna vloda s krajno pravična Slovacka Narodna Partija (po slovacki Slovenská národná strana) posle vibori v leto 2006. Partija od Mad'arska Koalicija (oficial'no po slovacki i mad'arski Strana maďarskej koalície - Magyar Koalíció Pártja) dostala nemalo 12% od glosi v god 2006, grubo samo jak Slovacka Narodna Partija, ale Partija od Mad'arska Koalicija šla v opozicija posle četiri godi v koalicijna vloda s Slovacka Demokratična i Hristijanska Unija (po slovacki Slovenská demokratická a kresťanská únia – Demokratická strana) i jej predsedatel' premier-minister Mikulaš Dzurinda (po slovacki Mikuláš Dzurinda). Jedin iz najviše populistične čini od Ficova nova vloda bilo zabronenije od upotrebl'anije od mad'arske mestne imena v školne područniki, daže v tamte, ktore su pisane po mad'arski, čobi oni bili upotrebl'ane v menšinstvne školi.

Diplomatične napruženije stalo više intensivno medžu oba sosedne kraji v počatok od novembr, kogda slovacka policija upotrebila sila protiv mad'arske futbolne fanati. Za tutto sobitije mad'arske nacionalisti spalili flag od Slovakija pred jej ambasada v Budapešt (po mad'arski Budapest). Sledujuče stretenija medžu lid`ri od Mad'arija i Slovakija ne učinili zamrožene odnošenija više dobre. Ale nedavne akceptovanije od zakon, ktori pozvolil bi upotrebl'anije od mad'arske mestne imena v mad'arske područniki, hot'a sledžene od slovacki ekvivalent v skobki, bilo mali krok k obnovenije od prijatelske odnošenija.

Jak Partija od Mad'arska Koalicija, tak i mad'arski prezident Laslo Šojom (po mad'arski Sólyom László) hoteli, čobi Gašparovič, ktori planuje bit' kandidat dl'a svoje znovu-vibranije v sledujuči god, podpisal tuttoj zakon. Ale ne vse bili ščastlive za rešenije od slovacki parlament. Lider od Slovacka Narodna Partija Jan Slota (po slovacki Ján Slota), znani na obe stroni od granica za svoje protiv-mad'arske tverdženija, apel'oval na slovacki prezident, čobi on položil veto na tuttoj zakon.

(od Ert Tajms)

Словацки президент забронил закон об мадьарске местне имена посредством вето

19и декембр 2008 - Словацки президент Иван Гашпарович (по словацки Ivan Gašparovič) в пјаток положил вето на закон недавно акцептовани од парламент, ктори би позволил употребльаније од мадьарске местне имена в подручники; тутто вето могло би роздуть пломени од долги спор меджу Словакија и Мадьарија. Тутчасни словацки закон позвольа употребльаније од только словацке местне имена, даже в подручники дльа мадьарске обитатели од крај. Тутта вешч причинила значне напруженије меджу Словакија и десьат процент од јеј населеније, кторе јесть мадьарске, поддержоване од Мадьарија. Предложени закон тутчас буде послани назад к друге глосованије. Јесли он буде акцептовани од просте множинство в 150членни словацки парламент, президентске вето буде автоматично ануловане и закон буде акцептовани.

Мадьарске министерство од образованије виразило "глубоки жал", чо закон не стал ефективни. Министер од заграничне вешчи Гергеј Арато (по мадьарски Arató Gergely) сказал, чо закон бил крок к наиденије од компромис в ситуација меджу Мадьарија и Словакија. "Ми только можеме надејать сьа, чо парламент в Братислава (по словацки Bratislava) наиде решеније, кторе јесть акцептоваме дльа мадьарске населеније в Словакија," Арато сказал. Словацко министерство од заграничне вешчи одвергнуло коментовать то. "Решеније јесть знову залежне на словацки парламент. Ми не знајеме, за чо вмешивать сьа в тутта незакончена процедура или коментовать јеј," представитель Јан Шкода (по словацки Ján Škoda) сказал.

Одношенија меджу Мадьарија и Словакија стали значно нарушене, когда левична популистична партија Смер (по словацки Smer – sociálna demokracia) и јеј председатель Роберт Фицо (по словацки Robert Fico) изтворили коалицијна влода с крајно правична Словацка Народна Партија (по словацки Slovenská národná strana) после вибори в лето 2006. Партија од Мадьарска Коалиција (официально по словацки и мадьарски Strana maďarskej koalície - Magyar Koalíció Pártja) достала немало 12% од глоси в год 2006, грубо само јак Словацка Народна Партија, але Партија од Мадьарска Коалиција шла в опозиција после четири годи в коалицијна влода с Словацка Демократична и Христијанска Унија (по словацки Slovenská demokratická a kresťanská únia – Demokratická strana) и јеј председатель премиер-министер Микулаш Дзуринда (по словацки Mikuláš Dzurinda). Једин из највише популистичне чини од Фицова нова влода било заброненије од употребльаније од мадьарске местне имена в школне подручники, даже в тамте, кторе су писане по мадьарски, чоби они били употребльане в меншинствне школи.

Дипломатичне напруженије стало више интенсивно меджу оба соседне краји в початок од новембр, когда словацка полиција употребила сила против мадьарске футболне фанати. За тутто собитије мадьарске националисти спалили флаг од Словакија пред јеј амбасада в Будапешт (по мадьарски Budapest). Следујуче стретенија меджу лид`ри од Мадьарија и Словакија не учинили замрожене одношенија више добре. Але недавне акцептованије од закон, ктори позволил би употребльаније од мадьарске местне имена в мадьарске подручники, хотьа следжене од словацки еквивалент в скобки, било мали крок к обновеније од пријателске одношенија.

Јак Партија од Мадьарска Коалиција, так и мадьарски президент Ласло Шојом (по мадьарски Sólyom László) хотели, чоби Гашпарович, ктори планује бить кандидат дльа своје знову-вибраније в следујучи год, подписал туттој закон. Але не все били шчастливе за решеније од словацки парламент. Лидер од Словацка Народна Партија Јан Слота (по словацки Ján Slota), знани на обе строни од граница за своје против-мадьарске твердженија, апельовал на словацки президент, чоби он положил вето на туттој закон.

(од Ерт Тајмс)

12/14/2008

Rosijanka koronovana jak Miss od Ves Svet / Росијанка коронована јак Мисс од Вес Свет

14i dekembr 2008 - Ksenija Suhinova (po rosijski Ксения Сухинова) vigrala Miss od Ves Svet 2008 v obr'ad v Južnoafrikanska Republika. Parvati Omanakutan (po angliski Parvathy Omanakuttan) iz Indija bila druga i Gabriel' Uolkot (po angliski Gabrielle Walcott) iz Trinidad i Tobago bila tret'a iz 109 supernici.

Očekovali, čo milioni od l'udi budut gl'adet' obr'ad v Johanesburg (po angliski Johannesburg). Južnoafrikanska Republika organizovala konkurovanije juže šest'kratno, to jest' više mnogo než liboktori ini kraj krome Anglija. Južnoafrikanske organizatori verojatno hoteli uspokoit' strah ob sposobnost' od kraj gostit' čempionat od ves svet v futbol v god 2010. Gl'adeteli v 180 krai mogli glosovat' dl'a jedin iz semifinalisti posredstvom internet. Medžunarodne pris'ažne rešili ob vigratel'.

Suhinova jest' studentka od inženerstvo iz Sibir'.

(od Bi Bi Si Njuz)

14и декембр 2008 - Ксенија Сухинова (по росијски Ксения Сухинова) виграла Мисс од Вес Свет 2008 в обрьад в Јужноафриканска Република. Парвати Оманакутан (по англиски Parvathy Omanakuttan) из Индија била друга и Габриель Уолкот (по англиски Gabrielle Walcott) из Тринидад и Тобаго била третьа из 109 суперници.

Очековали, чо милиони од льуди будут гльадеть обрьад в Јоханесбург (по англиски Johannesburg). Јужноафриканска Република организовала конкурованије јуже шестькратно, то јесть више много неж либоктори ини крај кроме Англија. Јужноафриканске организатори веројатно хотели успокоить страх об способность од крај гостить чемпионат од вес свет в футбол в год 2010. Гльадетели в 180 краи могли глосовать дльа једин из семифиналисти посредством интернет. Меджународне присьажне решили об вигратель.

Сухинова јесть студентка од инженерство из Сибирь.

(од Би Би Си Нјуз)

12/07/2008

Mad'arska opozicija hoče internacionalizovat' mad'arsko-slovacki spor / Мадьарска опозиција хоче интернационализовать мадьарско-словацки спор

5i dekembr 2008 - Jest' treba, čobi sporne vešči medžu Mad'arija i Slovakija bili osvetlene na medžunarodne forumi, skazal v četvertok Žolt Nemet (po mad'arski Németh Zsolt), zastupnik od glovna opozicijna partija Fides - Mad'arska Grodžanska Unija (po mad'arski Fidesz – Magyar Polgári Szövetség) i glova od parlamentni zagranični komitet. Jest' treba, čobi Mad'arija objasnila svoja pozicija k medžunarodne partneri, ale to ne izkl'uča možlivost' od dialog s Slovakija, Nemet skazal. "Na žalost' slovacki premier-minister odvergnul dana ruka od mad'arski premier-minister; tož govoritel od mad'arski dom ne bil slušani v Slovakija v sreda. To vse znači, čo Slovakija više hoče krajni nacionalizm než evropejska ohrona od menšinstva i dobre susedske odnošenija," on dodal. Jest' treba, čobi Mad'arija počala proceduri v tamte slučaji, gde Slovakija "narušila medžunarodne mehanizmi", politik skazal, i predložil, čobi mad'arski parlament akceptoval tverdženije od jego partija ob Slovakija.

V sreda slovacki premier-minister Robert Fico (po slovacki Robert Fico) odvergnul šestipunktni plan od Ferenc D'určan' (po mad'arski Gyurcsány Ferenc), jego mad'arski kolega, predloženi dl'a učinenije od narušene dvustronne odnošenija više dobre. V tuttoj den' slovacki parlament tož rešil, čo područniki upotrebl'ane od etnične menšinstva budut soderživat' geografične imena ne tol'ko po slovacki, ale tož po jazik od menšinstvo. Slovacki parlament ale tož rešil, čo mapi pečatane v Slovakija budut nazivat' mesta tol'ko po slovacki.

(od Politiks.hu)

5и декембр 2008 - Јесть треба, чоби спорне вешчи меджу Мадьарија и Словакија били осветлене на меджународне форуми, сказал в четверток Жолт Немет (по мадьарски Németh Zsolt), заступник од гловна опозицијна партија Фидес - Мадьарска Гроджанска Унија (по мадьарски Fidesz – Magyar Polgári Szövetség) и глова од парламентни загранични комитет. Јесть треба, чоби Мадьарија објаснила своја позиција к меджународне партнери, але то не изкльуча можливость од диалог с Словакија, Немет сказал. "На жалость словацки премиер-министер одвергнул дана рука од мадьарски премиер-министер; тож говорител од мадьарски дом не бил слушани в Словакија в среда. То все значи, чо Словакија више хоче крајни национализм неж европејска охрона од меншинства и добре суседске одношенија," он додал. Јесть треба, чоби Мадьарија почала процедури в тамте случаји, где Словакија "нарушила меджународне механизми", политик сказал, и предложил, чоби мадьарски парламент акцептовал твердженије од јего партија об Словакија.

В среда словацки премиер-министер Роберт Фицо (по словацки Robert Fico) одвергнул шестипунктни план од Ференц Дьурчань (по мадьарски Gyurcsány Ferenc), јего мадьарски колега, предложени дльа учиненије од нарушене двустронне одношенија више добре. В туттој день словацки парламент тож решил, чо подручники употребльане од етничне меншинства будут содерживать географичне имена не только по словацки, але тож по јазик од меншинство. Словацки парламент але тож решил, чо мапи печатане в Словакија будут називать места только по словацки.

(од Политикс.ху)

11/30/2008

Evrozastupnik vini Zapad za dvojne standardi / Еврозаступник вини Запад за двојне стандарди

25i novembr 2008 - Italijanski evrozastupnik skazal v vtorok, čo evropejske kraji su vinne za dvojne standardi v svoje odnošenija s Rosija. Džuljeto Kjeza (po italijanski Giulietto Chiesa) jest' tutčas v Latvija, gde on predstavi kniga ob jedinadsat'septembrne teroristične ataki v Sjedinene Štati od Amerika. "Zapad imaje politika od dvojne standardi na Rosija. Mi mogli videt' to na pjat'denna vojna v Gruzija," zastupnik skazal. "Nemalo vse gazeti i politiki v Evropa podderžovali akciji od Tbilisi (po gruzinski თბილისი) i kritikovali Rosija. Evropejske sredstva su na žalost' ne tak svobodne jak pred dvads'at' godi," skazal Kjeza, ktori zaplatil lično posetenije v Južna Osetija v 25i oktobr. Više rano on nazval raporti od zapadne sredstva ob vojna "najviše loše informaciji, ktore ja videl od vojna v Irak".

Rosija poslala svoja armija v Južna Osetija jak odpoved' k gruzinska ataka, ktora pričinila smert' od sta od civili, protiv oddelivša s'a republika v 8i avgust. Posle to Moskva (po rosijski Москва) priznala Južna Osetija i Abhazija, ini separatistični gruzinski region, jak nezaležne štati.

(od RIA Novosti)

25и новембр 2008 - Италијански еврозаступник сказал в второк, чо европејске краји су винне за двојне стандарди в своје одношенија с Росија. Джулјето Кјеза (по италијански Giulietto Chiesa) јесть тутчас в Латвија, где он представи книга об јединадсатьсептембрне терористичне атаки в Сјединене Штати од Америка. "Запад имаје политика од двојне стандарди на Росија. Ми могли видеть то на пјатьденна војна в Грузија," заступник сказал. "Немало все газети и политики в Европа поддержовали акцији од Тбилиси (по грузински თბილისი) и критиковали Росија. Европејске средства су на жалость не так свободне јак пред двадсьать годи," сказал Кјеза, ктори заплатил лично посетеније в Јужна Осетија в 25и октобр. Више рано он назвал рапорти од западне средства об војна "највише лоше информацији, кторе ја видел од војна в Ирак".

Росија послала своја армија в Јужна Осетија јак одповедь к грузинска атака, ктора причинила смерть од ста од цивили, против одделивша сьа република в 8и август. После то Москва (по росијски Москва) признала Јужна Осетија и Абхазија, ини сепаратистични грузински регион, јак незалежне штати.

(од РИА Новости)

11/09/2008

Vladimir Putin možlivo vroti s'a k rosijsko prezidentstvo / Владимир Путин можливо вроти сьа к росијско президентство

8i novembr 2008 - Predpokladnut, čo Vladimir Putin (po rosijski Владимир Владимирович Путин) shvati prezidentstvo nazad s cel' služit' dva šestiletne termini; tak on bi imal moc od god 2009 do god 2021, kogda on bude 69 godi stari. S'urprizni plan, čo tutčasni prezident Dmitrij Medvedev (po rosijski Дмитрий Анатольевич Медведев) odide v dal'ši god, objavil s'a v rosijska biznesna gazeta Vedomosti (po rosijski Ведомости). Raport prišel jedin den' posle Medvedev - nazivani "Liliputin" od opozicijne sili - predložil konstitucijna premena, ktora prodolžila bi prezidentski termin na šest' godi. Vidžut odtis`ki od Putinove persti na tutto predloženije.

(od Mel'burn Herald San)

8и новембр 2008 - Предпокладнут, чо Владимир Путин (по росијски Владимир Владимирович Путин) схвати президентство назад с цель служить два шестилетне термини; так он би имал моц од год 2009 до год 2021, когда он буде 69 годи стари. Сьурпризни план, чо тутчасни президент Дмитриј Медведев (по росијски Дмитрий Анатольевич Медведев) одиде в дальши год, објавил сьа в росијска бизнесна газета Ведомости (по росијски Ведомости). Рапорт пришел једин день после Медведев - називани "Лилипутин" од опозицијне сили - предложил конституцијна премена, ктора продолжила би президентски термин на шесть годи. Виджут одтис`ки од Путинове персти на тутто предложеније.

(од Мельбурн Хералд Сан)

9/29/2008

Rosijske špigoni v Čehija / Росијске шпигони в Чехија

25i septembr 2008 - Rosijske špigoni su mnogo aktivne v Čehija i oni ovplivn'ujut publično mnenije protiv planuvana sjedinenoštatna baza od protivraketna obrona, soglosno raport od česka kontrrozvedka opublikuvani v četvertok. Sjedinene Štati planujut vibudovat' radarna baza v Čehija i rozmestit protivraketi v Pol'ska jak čast' od svoja obrona protiv raketi, ktore - soglosno ih - mogli bi bit' upotrebene od neprijateli, na primer Iran. 25и септембр 2008 - Росијске шпигони су много активне в Чехија и они овпливньујут публично мненије против планувана сјединеноштатна база од противракетна оброна, соглосно рапорт од ческа контррозведка опубликувани в четверток. Сјединене Штати планујут вибудовать радарна база в Чехија и розместит противракети в Польска јак часть од своја оброна против ракети, кторе - соглосно их - могли би бить употребене од непријатели, на пример Иран.

Ves kraj može bit' dal'ši, predupredžuje ukrainski prezident / Вес крај може бить дальши, предупреджује украински президент

28i avgust 2008 - Ukrainski prezident Viktor Juščenko (po ukrainski Віктор Андрійович Ющенко) skazal to jasno. On osudil rosijsko rešenije priznat' nezaležnost' od Južna Osetija i Abhazija, dva gruzinske separatistične regioni. Juščenko skazal to, čo tutčas diplomati často kažut: čo posle uspeh v Gruzija, Kreml' (po ruski Кремль) mogl bi vibrat' Ukraina jak svoj cel' - i glovno jej ruska Avtonomna Republika Krim. Francuzski minister od zagranične vešči Bernar Kušner (po francuzski Bernard Kouchner) skazal tutta sama vešč. "To jest' mnogo nebezpečno - su ine celi, ob ktore možut predpokladnut', čo oni su celi dl'a Rosija, osnovno Krim, Ukraina i Moldavija," Kušner skazal. Real'no podobnosti medžu Ukraina i Gruzija, i medžu Krim i Južna Osetija, ne su tak velike. Krim, poluostrov v Černo More, jest' naseleni glovno od Rusi. Krim stal čast' od Ukraina v sovetske vremena - v god 1954, kogda on bil predani k Ukrainska Sovetska Socijalistična Republika. V rozličije od Južna Osetija i Abhazija, ktore počali separatistične vojni v 1990e godi, Krim uspešno jest' čast' od Ukraina. "On ne jest' protiv Ukraina," Igor Ševl'akov (po ukrainski Игорь Шевляков) iz Medžunarodni Centr dl'a Politična Nauka v Kijev (po ukrainski Київ) skazal. 28и август 2008 - Украински президент Виктор Јушченко (по украински Віктор Андрійович Ющенко) сказал то јасно. Он осудил росијско решеније признать незалежность од Јужна Осетија и Абхазија, два грузинске сепаратистичне региони. Јушченко сказал то, чо тутчас дипломати часто кажут: чо после успех в Грузија, Кремль (по руски Кремль) могл би вибрать Украина јак свој цель - и гловно јеј руска Автономна Република Крим. Французски министер од заграничне вешчи Бернар Кушнер (по французски Bernard Kouchner) сказал тутта сама вешч. "То јесть много небезпечно - су ине цели, об кторе можут предпокладнуть, чо они су цели дльа Росија, основно Крим, Украина и Молдавија," Кушнер сказал. Реально подобности меджу Украина и Грузија, и меджу Крим и Јужна Осетија, не су так велике. Крим, полуостров в Черно Море, јесть населени гловно од Руси. Крим стал часть од Украина в советске времена - в год 1954, когда он бил предани к Украинска Советска Социјалистична Република. В розличије од Јужна Осетија и Абхазија, кторе почали сепаратистичне војни в 1990е годи, Крим успешно јесть часть од Украина. "Он не јесть против Украина," Игор Шевльаков (по украински Игорь Шевляков) из Меджународни Центр дльа Политична Наука в Кијев (по украински Київ) сказал.

8/22/2008

21i avgust 2008 / 21и август 2008

21i avgust 2008 - Grupi od Sovetski Sojuz i ine kraji od Varšavski Dogovor vtorgnuli v Čehoslovakija i zakončili Pražska Vesna točno pred četiridsjat' godi. Pražska Vesna bila počana od komunistične intelektuali, ktore izrozumeli nastrojenije od společenstvo i uspešno izmenili lid`ri od partija.

  • Prezidenti od Slovakija i Avstrija stretili včera, čobi oni položili ven`ci k bjust od bivši čehoslovacki politik Aleksander Dubček (po slovacki Alexander Dubček) pred slovacki parlament.
  • Tutčasna vojna v Gruzija, ktora nekogda srovnivajut s vtorženije v Čehoslovakija, pospešila včerašno podpisanije od pol'sko-sjedinenoštatni dogovor ob rozmestenije od antiraketi v Pol'ska. Česko-sjedinenoštatni dogovor ob radar uže bil podpisani više rano.
  • Sjedinenoštatna ministrica od zagranične vešči Kondoliza Rajs (po angliski Condoleezza Rice) skazala ob vojna v Gruzija: "Tutto ne jest' god 1968 i vtorženije v Čehoslovakija, gde Rosija može grozit' k sosed, okupuvat' glovni grod i prevrotit' vloda. Vešči izmenili sja."
  • Česke činovniki ne soglošut jeden s drugi ob rosijsko-gruzinska vojna. "Čehija podderžuje gruzinsko usilije učinit' jej suverennost' više sil'na," premjer-minister Mirek Topolanek (po česki Mirek Topolánek) skazal v 8i avgust 2008. Ale prezident Vaclav Klaus (po česki Václav Klaus) ne soglosi, čo vloda vini tol'ko Rosija.
  • Najviše važno nasledstvo od Pražska Vesna bilo poškodenije od medžunarodni komunistični muvemant.
  • Česki premjer-minister Mirek Topolanek i jego slovacki kolega Robert Fico (po slovacki Robert Fico), ktori oficjal'no posetil Čehija, prazdnuvali jubilej pri grob od studentica zastrelena od vtorgnuteli v 26i avgust 2008. "Bratislavska Predvesna i Pražska Vesna bili son ob demokratizacija od společenstvo, son ob ser'jozne diskusiji ob velike ekonomične reformi i socijal'ne vešči, son ob ljudske prava," Fico skazal.
  • Dati, ktore končajut na 8, su simbolične v čehoslovacka istorija: iztvorenije od Čehoslovakija v god 1918 i konec od perva svetna vojna, 1938 Mjunhenski Dogovor, preljudija k nemecka okupacija od Čehoslovakija, 1948 komunistični puč i 1968 Pražska Vesna, više mirni komunistični režim, i posle to sovetsko vtorženije.

21и август 2008 - Групи од Советски Союз и ине краї од Варшавски Договор вторгнули в Чехословакия и закончили Пражска Весна точно пред четиридсять годи. Пражска Весна била почана од комунистичне интелектуали, кторе изрозумели настроєниє од сполеченство и успешно изменили лид`ри од партия.

  • Президенти од Словакия и Австрия стретили вчера, чоби они положили вен`ци к бюст од бивши чехословацки политик Александер Дубчек (по словацки Alexander Dubček) пред словацки парламент.
  • Тутчасна война в Грузия, ктора некогда сровнивают с вторжениє в Чехословакия, поспешила вчерашно подписаниє од польско-сєдиненоштатни договор об розместениє од антиракети в Польска. Ческо-сєдиненоштатни договор об радар уже бил подписани више рано.
  • Сєдиненоштатна министрица од заграничне вешчи Кондолиза Райс (по англиски Condoleezza Rice) сказала об война в Грузия: "Тутто не єсть год 1968 и вторжениє в Чехословакия, где Росия може грозить к сосед, окупувать гловни грод и превротить влода. Вешчи изменили ся."
  • Ческе чиновники не соглошут єден с други об росийско-грузинска война. "Чехия поддержує грузинско усилиє учинить єй суверенность више сильна," премєр-министер Мирек Тополанек (по чески Mirek Topolánek) сказал в 8и август 2008. Але президент Вацлав Клаус (по чески Václav Klaus) не соглоси, чо влода вини только Росия.
  • Найвише важно наследство од Пражска Весна било пошкодениє од меджународни комунистични мувемант.
  • Чески премєр-министер Мирек Тополанек и єго словацки колега Роберт Фицо (по словацки Robert Fico), ктори официально посетил Чехия, празднували юбилей при гроб од студентица застрелена од вторгнутели в 26и август 2008. "Братиславска Предвесна и Пражска Весна били сон об демократизация од сполеченство, сон об серьйозне дискусиї об велике економичне реформи и социяльне вешчи, сон об людске права," Фицо сказал.
  • Дати, кторе кончают на 8, су симболичне в чехословацка история: изтворениє од Чехословакия в год 1918 и конец од перва светна война, 1938 Мюнхенски Договор, прелюдия к немецка окупация од Чехословакия, 1948 комунистични пуч и 1968 Пражска Весна, више мирни комунистични режим, и после то советско вторжениє.

8/18/2008

Predupredženije ob pol'sko-sjedinenoštatna protivraketna obrona / Предупредженије об польско-сјединеноштатна противракетна оброна

16i avgust 2008 - Rosijski general predupreždil, čo pol'sko soglosenije akceptuvat' čast' od sjedinenoštatna protivraketna obrona vistavilo kraj k rosijska vojnna ataka. General Anatolij Nogovicin (po ruski Анатолий Алексеевич Ноговицын), zastupnik od načal'nik od general'ni štab, skazal, čo rosijska vojnna doktrina pozvol'uvala bi jadrna ataka v taka situacija. Pol'ska soglosila gostit' čast' od sjedinenoštatna protivraketna obrona posle to, čo Vašington (po angliski Washington) soglosil posilit' pol'ska vozdušna obrona.

Ukrajina jest' prigotovena otvorit' svoja protivraketna obrona k evropejske i ine čudže sili. Ukrajinski minister od zagranične vešči skazal, čo konec od dvustronni rosijski-ukrajinski dogovor više rano v tuttoj god "pozvoluje, čobi Ukrajina počala aktivna kooperacija s evropejske kraji". Tutto predloženije prišlo medžu spori od Kijev (po ukrajinski Київ) i Moskva (po ruski Москва) ob rosijsko vtorženije v časti od sosedna Gruzija, blizki sojuznik od Ukrajina. Tutto predloženije tož prišlo posle to, čo Pol'ska zakončila dogovoruvanije ob gostenije od časti od sjedinenoštatna protivraketna obrona, ktora Moskva opisuje jak grozba dl'a svoja nacional'na bezpečnost'. Ukrajinski minister od zagranične vešči skazal, čo Kijev mogl bi pozvat' evropejske partneri k sojedinenije od ih protivraketne obroni.

(od Radjo Telefjiš Eren)

16и август 2008 - Росијски генерал предупреждил, чо польско соглосеније акцептувать часть од сјединеноштатна противракетна оброна виставило крај к росијска војнна атака. Генерал Анатолиј Ноговицин (по руски Анатолий Алексеевич Ноговицын), заступник од начальник од генеральни штаб, сказал, чо росијска војнна доктрина позвольувала би јадрна атака в така ситуација. Польска соглосила гостить часть од сјединеноштатна противракетна оброна после то, чо Вашингтон (по англиски Washington) соглосил посилить польска воздушна оброна.

Украјина јесть приготовена отворить своја противракетна оброна к европејске и ине чудже сили. Украјински министер од заграничне вешчи сказал, чо конец од двустронни росијски-украјински договор више рано в туттој год "позволује, чоби Украјина почала активна кооперација с европејске краји". Тутто предложеније пришло меджу спори од Кијев (по украјински Київ) и Москва (по руски Москва) об росијско вторженије в части од соседна Грузија, близки сојузник од Украјина. Тутто предложеније тож пришло после то, чо Польска закончила договоруваније об гостеније од части од сјединеноштатна противракетна оброна, ктора Москва описује јак грозба дльа своја национальна безпечность. Украјински министер од заграничне вешчи сказал, чо Кијев могл би позвать европејске партнери к сојединеније од их противракетне оброни.

(од Радјо Телефјиш Ерен)

7/27/2008

Protestni marš od bosnijske Serbi za Karadžič / Протестни марш од боснијске Серби за Караджич

26i jul' 2008 - Nekol'ke tisjači od bosnijske Serbi učastnili jednočasinni marš organizovani v celi serbski entitet v Bosnija i Hercegovina v subota dl'a podderžovanije od zaderžani Radovan Kardžič (po serbskohorvatski Radovan Karadžić) podozrevani za genocid. Mirne marši i palenija od sveči su organizovane od nacionalistična Serbska Demokratična Partija (po serbskohorvatski Srpska demokratska stranka) založena od vojnni lider Karadžič. Okolo dva tisjači l'udi sobrali sja v Pale (po serbskohorvatski Pale), jego tverdin'a v vremeno od bosnijska vojna (1992-1995), gde jego semja žije. Karadžičeva semja ne bila videna na marš, ktori ostanovil sja pred cerkev, gde l'udi palili sveči jak molitva za Karadžič. Hot'a partija hotela mesi za jeho zdrovije, činovniki od pravoslavna cerkev odvergnuli to. Ale biskup Grigorije iz južna Hercegovina pozvolil svjaščeniki, čobi oni slavili mesi za Karadžič v Trebine (po serbskohorvatski Trebinje) i ine grodi.

Karadžič i Ratko Mladič (po serbskohorvatski Ratko Mladić), ktori ješče nebil zaderžani, ostavajut geroji dl'a mnoge nacionalistične Serbi pomimo težke obvinenija protiv nim. Medžunarodni Karni Tribunal dl'a Bivša Jugoslavija obvinil Karadžič za vojnne zločini i genocid pri konec od bosnijska vojna.

(od Indipendent Onlajn)

26и јуль 2008 - Некольке тисјачи од боснијске Серби участнили једночасинни марш организовани в цели сербски ентитет в Боснија и Херцеговина в субота дльа поддержованије од задержани Радован Карджич (по сербскохорватски Радован Караџић) подозревани за геноцид. Мирне марши и паленија од свечи су организоване од националистична Сербска Демократична Партија (по сербскохорватски Српска демократска странка) заложена од војнни лидер Караджич. Около два тисјачи льуди собрали сја в Пале (по сербскохорватски Пале), јего твердиньа в времено од боснијска војна (1992-1995), где јего семја жије. Караджичева семја не била видена на марш, ктори остановил сја пред церкев, где льуди палили свечи јак молитва за Караджич. Хотьа партија хотела меси за јехо здровије, чиновники од православна церкев одвергнули то. Але бискуп Григорије из јужна Херцеговина позволил свјашченики, чоби они славили меси за Караджич в Требине (по сербскохорватски Требиње) и ине гроди.

Караджич и Ратко Младич (по сербскохорватски Ратко Младић), ктори јешче небил задержани, оставајут героји дльа многе националистичне Серби помимо тежке обвиненија против ним. Меджународни Карни Трибунал дльа Бивша Југославија обвинил Караджич за војнне злочини и геноцид при конец од боснијска војна.

(од Индипендент Онлајн)

7/20/2008

Tisjači učastnili marš za prava od makedonsko menšinstvo v Grecija / Тисјачи участнили марш за права од македонско меншинство в Греција

19i jul' 2008 - Tisjači od protestovateli učastnili marš v pjatok, čobi sosedna Grecija priznala makedonsko menšinstvo. Protest imal odnošenije k dolgi spor ob imeno medžu oba kraji. Ateni (po grecki Αθήνα) hočut, čobi Makedonija izmenila svoje imeno, za čo oni imajut strah, čo Makedonija možlivo mogla bi hotet' teritorija od severni grecki region nazivani Makedonija. Dogovorovanija ob imeno, posredkuvane od Organizacija od Objedinene Naciji, su zablokovane mnoge godi.

Organizatori od pjatnični marš v makedonski glovni grod Skopje (po makedonski Скопје) skazali, čo okolo 8000 l'udi učastnili protest. Tož veterani iz grecka grodžanska vojna (1946-1949), ktore bojevali s porazene buntovniki, učastnili marš. "Narod ne može bit' vičerknuti posredstvem dekret. Jest' naše grodžansko pravo oglošuvat' sja jak Makedon`ci i mi nikogda ne ustupime to," Trajko Vel'anovski (po makedonski Трајко Вељановски), govoritel' od parlament, skazal k protestovateli.

Više rano v tutta sedmica, makedonski premjer Nikola Gruevski (po makedonski Никола Груевски) napisal pismo k svoj grecki kolega Kostas Karamanlis (po grecki Κωνσταντίνος Αλεξάνδρου Καραμανλής), v ktoro on hotel priznanije od makedonsko menšinstvo. Ateni odvergajut bitije od tako menšinstvo i činovniki govor'ut tol'ko ob "govoriteli od slovjanski jazik", ktore žijut v severna Grecija. V pjatok Karamanlis obvinil Gruevski, čo on probuje podkopavat' dogovorovanija ob imeno. "Ne jest' nijako «makedonsko menšinstvo» v Grecija. Ono nikogda ne bilo. Vaše pismo jest' daleko od probovanija, ktore su činene v dogovorovanija ob imeno i dl'a više dobre vzajemne odnošenija, i ono govori ob nebuduče vešči," Karamanlis napisal v odpoved' dl'a Gruevski.

(od Internašenal Herald Tribjun)

19и јуль 2008 - Тисјачи од протестователи участнили марш в пјаток, чоби соседна Греција признала македонско меншинство. Протест имал одношеније к долги спор об имено меджу оба краји. Атени (по грецки Αθήνα) хочут, чоби Македонија изменила своје имено, за чо они имајут страх, чо Македонија можливо могла би хотеть територија од северни грецки регион називани Македонија. Договорованија об имено, посредкуване од Организација од Објединене Нацији, су заблоковане многе годи.

Организатори од пјатнични марш в македонски гловни грод Скопје (по македонски Скопје) сказали, чо около 8000 льуди участнили протест. Тож ветерани из грецка гроджанска војна (1946-1949), кторе бојевали с поразене бунтовники, участнили марш. "Народ не може бить вичеркнути посредствем декрет. Јесть наше гроджанско право оглошувать сја јак Македон`ци и ми никогда не уступиме то," Трајко Вельановски (по македонски Трајко Вељановски), говоритель од парламент, сказал к протестователи.

Више рано в тутта седмица, македонски премјер Никола Груевски (по македонски Никола Груевски) написал писмо к свој грецки колега Костас Караманлис (по грецки Κωνσταντίνος Αλεξάνδρου Καραμανλής), в кторо он хотел признаније од македонско меншинство. Атени одвергајут битије од тако меншинство и чиновники говорьут только об "говорители од словјански јазик", кторе жијут в северна Греција. В пјаток Караманлис обвинил Груевски, чо он пробује подкопавать договорованија об имено. "Не јесть нијако «македонско меншинство» в Греција. Оно никогда не било. Ваше писмо јесть далеко од пробованија, кторе су чинене в договорованија об имено и дльа више добре взајемне одношенија, и оно говори об небудуче вешчи," Караманлис написал в одповедь дльа Груевски.

(од Интернашенал Хералд Трибјун)

Kto bil najviše veliki Rosijan? / Кто бил највише велики Росијан?

19i jul' 2008 - Sprašivajut Rosijani točno tuttoj vopros i oni ne možut rešit' medžu car, vloda od ktori bila tak strašna, čo ona pričinila Oktobrska Revol'ucija, i psihopatični diktator, ktori ubil ili vignal milioni od svoje vlasne l'udi. Rosijska štatna televizija predaje konkurs nazvani Imeno od Rosija, v ktori internetne glosovateli vibrali 50 imena iz spisok od 500 važne istorične ličnosti. Tutčas oni čin'ut tutto vibranije više uzko - na 12, iz ktore vigratel' bude vibrani v jesen'. Jest' ledva možlivo vibrat' stupen' od velikost' medžu artisti, na primer Anton Čehov (po ruski Антон Павлович Чехов), pioneri, na primer Jurij Gagarin (po ruski Юрий Алексеевич Гагарин), i lid`ri, na primer Ivan Grozni (po ruski Иван Грозный). Rezul'tati odkrivajut nečo važno ob rosijski nacional'ni harakter: konkurs ob pervo mesto jest' tesni medžu car Nikolaj II (po ruski Николай II) i Josif Stalin (po gruzinski იოსებ ბესრიონის სტალინი, po ruski Иосиф Виссарионович Сталин). Kraj imal tak mnoge despotične lid`ri, čo vibrat' najviše dobri iz nim jest' jak vibrat' najmene nebezpečna gremuča zmeja. Podobni konkurs stal sja tož v ine kraji: Vasil Levski (po bulgarski Васил Левски), revol'ucioner i nacional'ni geroj, vigral v Bulgarija i Karl IV (po česki Karel IV.), imperator od Svjata Rimska Imperija, vigral v Čehija.

(od Hjuston Kronikl)

19и јуль 2008 - Спрашивајут Росијани точно туттој вопрос и они не можут решить меджу цар, влода од ктори била так страшна, чо она причинила Октобрска Револьуција, и психопатични диктатор, ктори убил или вигнал милиони од своје власне льуди. Росијска штатна телевизија предаје конкурс названи Имено од Росија, в ктори интернетне глосователи вибрали 50 имена из список од 500 важне историчне личности. Тутчас они чиньут тутто вибраније више узко - на 12, из кторе вигратель буде вибрани в јесень. Јесть ледва можливо вибрать ступень од великость меджу артисти, на пример Антон Чехов (по руски Антон Павлович Чехов), пионери, на пример Јуриј Гагарин (по руски Юрий Алексеевич Гагарин), и лид`ри, на пример Иван Грозни (по руски Иван Грозный). Результати одкривајут нечо важно об росијски национальни характер: конкурс об перво место јесть тесни меджу цар Николај II (по руски Николай II) и Јосиф Сталин (по грузински იოსებ ბესრიონის სტალინი, по руски Иосиф Виссарионович Сталин). Крај имал так многе деспотичне лид`ри, чо вибрать највише добри из ним јесть јак вибрать најмене небезпечна гремуча змеја. Подобни конкурс стал сја тож в ине краји: Васил Левски (по булгарски Васил Левски), револьуционер и национальни герој, виграл в Булгарија и Карл ИВ (по чески Karel IV.), император од Свјата Римска Империја, виграл в Чехија.

(од Хјустон Кроникл)

7/13/2008

Rosija ostanovila nafta dl'a Čehija posle podpisanije od dogovor ob radar s Sjedinene Štati

Rosija ostanovila nafta dl'a Čehija posle podpisanije od dogovor ob radar s Sjedinene Štati

13i jul' 2008 - Česke činovniki potverdili v nedelok, čo Rosija ostanovila snabdevat' nafta dl'a Čehija posle to, čo česko-sjedinenoštatni dogovor ob protivraketna obrona bil podpisani v posledna sedmica. Ale česki vlodni komisar Vaclav Bartuška (po česki Václav Bartuška) odvergnul, čo to jest' odplata protiv Čehija za to, čo ona pozvolila, čobi Vašington (po angliski Washington) rozmestil radarna baza na jej počva jak čast' od protivraketna obrona, protiv ktora Moskva (po ruski Москва) jest'. Bartuška izkl'učil tehnični problem, za čo snabdevanije od rosijska nafta dl'a sosedne kraji, na primer Pol'ska, ostalo neprervano. On tož skazal, čo odplata ne jest' verojatna tož za to, čo Čehija može legko dostavat' nafta prez ini nafta-provod, ktori ide prez Nemecka. Ale on odvergnul komentovat' raporti iz Moskva, čo pričina jest' vnutreni rosijski konflikt ob prava eksportovat' nafta, kogda moc jest' predavana v Kreml' (po ruski Кремль). Česka vloda sprosila Moskva ob pričina od više malo snabdevanije, ktoro počalo sja v 4i jul', ale stalo više intensivno v 8i jul', kogda sjedinenoštatna ministrica od zagranične vešči Kondoliza Rajs (po angliski Condoleezza Rice) i česki minister od zagranične vešči Karel Švarcenberg (po česki Karel Schwarzenberg) podpisali dogovor ob radar. Biznesna gazeta Euro napisala, čo snabdevanija mogli bi bit' učinene više male iz dogovorene 500 000 toni na 300 000 toni.

V prošedše vremena, Rosija činila snabdevanije od energija dl'a Zapad više malo za jak politične, tak i ekonomične pričini. Naftna kompanija Lukojl (po ruski ЛУКойл) ostanovila snabdevanije dl'a Nemecka dvakratno v nedavne mesjaci, za čo ona ne bila zadovolena ob platena cena. Snabdevanije dl'a Litva prez severna vetka od nafta-provod Družba jest' ostanoveno dva godi za "tehnični problem". Lid`ri od Evropejska Unija i Organizacija od Severoatlantični Dogovor ver'ut, čo pričina jest' politična. V god 2006, rosijski Gazprom (po ruski Газпром) ostanovil snabdevanije dl'a Ukrajina za spor ob ceni i on obvinil jej, čo ona krade snabdenija dl'a ine kraji.

(od Monsters and Kritiks)

Росија остановила нафта дльа Чехија после подписаније од договор об радар с Сјединене Штати

13и јуль 2008 - Ческе чиновники потвердили в неделок, чо Росија остановила снабдевать нафта дльа Чехија после то, чо ческо-сјединеноштатни договор об противракетна оброна бил подписани в последна седмица. Але чески влодни комисар Вацлав Бартушка (по чески Václav Bartuška) одвергнул, чо то јесть одплата против Чехија за то, чо она позволила, чоби Вашингтон (по англиски Washington) розместил радарна база на јеј почва јак часть од противракетна оброна, против ктора Москва (по руски Москва) јесть. Бартушка изкльучил технични проблем, за чо снабдеваније од росијска нафта дльа соседне краји, на пример Польска, остало непрервано. Он тож сказал, чо одплата не јесть веројатна тож за то, чо Чехија може легко доставать нафта през ини нафта-провод, ктори иде през Немецка. Але он одвергнул коментовать рапорти из Москва, чо причина јесть внутрени росијски конфликт об права експортовать нафта, когда моц јесть предавана в Кремль (по руски Кремль). Ческа влода спросила Москва об причина од више мало снабдеваније, кторо почало сја в 4и јуль, але стало више интенсивно в 8и јуль, когда сјединеноштатна министрица од заграничне вешчи Кондолиза Рајс (по англиски Condoleezza Rice) и чески министер од заграничне вешчи Карел Шварценберг (по чески Karel Schwarzenberg) подписали договор об радар. Бизнесна газета Еуро написала, чо снабдеванија могли би бить учинене више мале из договорене 500 000 тони на 300 000 тони.

В прошедше времена, Росија чинила снабдеваније од енергија дльа Запад више мало за јак политичне, так и економичне причини. Нафтна компанија Лукојл (по руски ЛУКойл) остановила снабдеваније дльа Немецка двакратно в недавне месјаци, за чо она не била задоволена об платена цена. Снабдеваније дльа Литва през северна ветка од нафта-провод Дружба јесть остановено два годи за "технични проблем". Лид`ри од Европејска Унија и Организација од Североатлантични Договор верьут, чо причина јесть политична. В год 2006, росијски Газпром (по руски Газпром) остановил снабдеваније дльа Украјина за спор об цени и он обвинил јеј, чо она краде снабденија дльа ине краји.

(од Монстерс анд Критикс)

6/09/2008

Česki premijer-minister kaže, čo vloda mogla bi padnut' v tuttoj god / Чески премијер-министер каже, чо влода могла би паднуть в туттој год

7i jun' 2008 - Česka vloda mogla bi padnut'. Pričini:

  • Parlament akceptoval nektore zakoni posredstvom ne tol'ko vlodne, ale tož nezaležne zakonodateli. Ale tutčas nektore členi od Topolan`kove grodžanske demokrati su nezadovolene za vročanije od cerkevni imajetok ukradeni od komunisti v minulo stoletije.
  • Plata 30 česke kroni (1,23 evra) za posetenije od lekar' ili za recept jest' šok dl'a mnoge l'udi, ktore posle desjatiletija od komunistična vloda ne su privikle platit' pr'amo za zdrovoohronenije.
  • Grodžanske demokrati imajut spori jak vnutri sobe, tak s svoje vlodne partneri - hristijanske demokrati i zelene. Socialdemokratična opozicija neuspešno probovala anulovat' reformi posredstvom konstitucijni sud.
  • Analitiki kažut, čo reformi, ktore ne počajut sja v tuttoj god, budut imat' problemi više pozdno, za čo vloda bude zan'ata za prezidentstvo od Evropejska Unija v perva polovina od god 2009 i za vibori v god 2010 - i to verojatno zamrozi nepopul'arne kroki.

(od Rejter)

7и јунь 2008 - Ческа влода могла би паднуть. Причини:

  • Парламент акцептовал некторе закони посредством не только влодне, але тож незалежне законодатели. Але тутчас некторе члени од Тополан`кове гроджанске демократи су незадоволене за врочаније од церкевни имајеток украдени од комунисти в минуло столетије.
  • Плата 30 ческе крони (1,23 евра) за посетеније од лекарь или за рецепт јесть шок дльа многе льуди, кторе после десјатилетија од комунистична влода не су привикле платить прьамо за здровоохроненије.
  • Гроджанске демократи имајут спори јак внутри собе, так с своје влодне партнери - христијанске демократи и зелене. Социалдемократична опозиција неуспешно пробовала ануловать реформи посредством конституцијни суд.
  • Аналитики кажут, чо реформи, кторе не почајут сја в туттој год, будут имать проблеми више поздно, за чо влода буде заньата за президентство од Европејска Унија в перва половина од год 2009 и за вибори в год 2010 - и то веројатно замрози непопульарне кроки.

(од Рејтер)