Muž iz Čikago jest' protiv svoja deportacija za vladne tverdenja, čo on pomagal k nacisti ubivat' Jevreji

Muž iz Čikago jest' protiv svoja deportacija za vladne tverdenja, čo on pomagal k nacisti ubivat' Jevreji 16i november 2007 - Sedem desjatiletja ne bili dostatočne, čobi oni delili 88-letni muž iz Čikago (po angliski Chicago) od jego minulost'. Ministerstvo od spravedlivost' v četvertok dalo znat' svoje plani deportovat' Osip Džou Firiščak, ob ktori ono tverdi, čo on lgal ob svoja rol'a v Pol'ska okupovana od nacisti v čas od druga svetna vojna, čobi on mogl odidet' v Sjedinene Štati od Amerika. Vlada tverdi, čo Firiščak bil člen od nacistična Ukrajinska Pomočna Policija, ktora pomogla ubit' 100 000 l'udi v jevrejsko geto. Ona tož tverdi, čo Firiščak ohron'al vezenje, čobi jevrejske vez`ni ne mogli izbegnut'. Greg Gordon (po angliski Greg Gordon), prokuror od Firiščak v god 2005 i tutčasni učitel' od pravo v Universitet od Severna Dakota, skazal, čo dokazi v čas od sud bili jasne. "On bil s Ukrajinska Pomočna Policija, kogda ona činila strašne zverstva protiv jevrejsko naselenje," Gordon skazal. Firiščak jest' protiv svoja deportacija, čobi on učinil svoje imeno čisto. On emigroval v Sjedinene Štati v god 1949 i on stal grodžan v god 1954. Možlivost' od apel'acija protiv deportacija zakonči sja v 10i dekember. Firiščakove sosedi obron'ali jego i kazali, čo on jest' "slodki, neobični muž". "Jest' pravdno smutno, čo dl'a tutto naša vlada upotrebja groši," Dejvid Solk (po angliski David Salk) skazal. Medžu to, ukrajinski prezident Viktor Juščenko (po ukrajinski Віктор Андрійович Ющенко) obron'al nagrada dana k muž obvineni za ubitje od tisjači od Jevreji v čas od druga svetna vojna. Ukrajinski nacionalistični lider Roman Šuhevič (po ukrajinski Роман Йосипович Шухевич) bil posmertno imenovani Geroj od Ukrajina v posledni mesjac za jego rol'a v pomaganje dl'a nezaležnost' od Ukrajina. Ale izsledovateli tverdžut, čo sili pod Šuhevič pomogli ubit' nemalo 4 000 Jevreji v god 1941. (od Fox Njuz)

Муж из Чикаго јесть против своја депортација за владне тверденја, чо он помагал к нацисти убивать Јевреји 16и новембер 2007 - Седем десјатилетја не били достаточне, чоби они делили 88-летни муж из Чикаго (по англиски Chicago) од јего минулость. Министерство од справедливость в четверток дало знать своје плани депортовать Осип Джоу Фиришчак, об ктори оно тверди, чо он лгал об своја рольа в Польска окупована од нацисти в час од друга светна војна, чоби он могл одидеть в Сјединене Штати од Америка. Влада тверди, чо Фиришчак бил член од нацистична Украјинска Помочна Полиција, ктора помогла убить 100 000 льуди в јеврејско гето. Она тож тверди, чо Фиришчак охроньал везенје, чоби јеврејске вез`ни не могли избегнуть. Грег Гордон (по англиски Greg Gordon), прокурор од Фиришчак в год 2005 и тутчасни учитель од право в Университет од Северна Дакота, сказал, чо докази в час од суд били јасне. "Он бил с Украјинска Помочна Полиција, когда она чинила страшне зверства против јеврејско населенје," Гордон сказал. Фиришчак јесть против своја депортација, чоби он учинил своје имено чисто. Он емигровал в Сјединене Штати в год 1949 и он стал гроджан в год 1954. Можливость од апельација против депортација закончи сја в 10и декембер. Фиришчакове соседи оброньали јего и казали, чо он јесть "слодки, необични муж". "Јесть правдно смутно, чо дльа тутто наша влада употребја гроши," Дејвид Солк (по англиски David Salk) сказал. Меджу то, украјински президент Виктор Јушченко (по украјински Віктор Андрійович Ющенко) оброньал награда дана к муж обвинени за убитје од тисјачи од Јевреји в час од друга светна војна. Украјински националистични лидер Роман Шухевич (по украјински Роман Йосипович Шухевич) бил посмертно именовани Герој од Украјина в последни месјац за јего рольа в помаганје дльа незалежность од Украјина. Але изследователи тверджут, чо сили под Шухевич помогли убить немало 4 000 Јевреји в год 1941. (од Фоx Нјуз)