10/28/2007

Česki parlament odvergnul referendum ob protivraketna obrona / Чески парламент одвергнул референдум об противракетна оброна

26i oktober 2007 - V pjatok, Poslanecka snemovna Parlamentu Česke republiki odvergnula predloženje od levična opozicija na referendum ob gostenje od čast' od amerikanska protivraketna obrona. Sjedinene Štati od Amerika planujut vibudovat' radarna stancija v Čehija i raketna baza v Pol'ska jako čast' od svoja sistema protiv raketi iz "osa od zlo", na primer iz Iran. Plan stal iskra na spor s Rosija, ktora vidi to jak grozba dl'a svoja bezpečnost'. Plan tož gneva česka levična opozicija - socijal'ne demokrati i komunisti - ktore kažut, čo l'udi, množinstvo od ktore jest' protiv plan, majut pravo skazat' svoje mnenje. Ale predloženje od nekol'ke socijalistične i komunistične zastupniki bilo odverženo v pjatok, soglosno očekivanja. Zakonno, 120 glosi bili bi treba v 200členna palata, ale predloženje dostalo tol'ko 76 iz nastojašče 144. Centristično-pravična vlada, ktora ma 100 členi v palata, planuje zakončit' dogovori s Sjedinene Štati v počatok od god 2008 i ratifikovat' dogovor v parlament. Jedin iz koalicijne partneri - Partija od Zelene (po česki Strana zelených) - ne soglosi s plan polno i jego podderžovanje jest' nejasno. Vlada nadeja sja, čo nektore opozicijne zastupniki budut glosovat' dl'a baza.

Česki žurnalist Jirži Pehe (po česki Jiří Pehe) napisal komentar' ob to, čo za plan od amerikanski obronni minister Robert Gejts (po angliski Robert Gates), česka vlada jest' v nezgrabna pozicija. Gejts predložil rozmestenje od rosijske vojniki pri planovane instal'aciji od radar, ktori bude čast' od amerikanska protivraketna obrona. Množinstvo od Čehi uže jest' protiv radar s amerikanske vojniki. Tutčas jest' možlivost', čo Rosijani, okupacijne sili od ktore odšli iz kraj v god 1991, pridžut znovu - s Amerikan`ci, i ješče više mnoge l'udi budut protiv. Do tutčas, pravica podderžovala projekt od radar, ale levica bila protiv, za čo ona mala strah, čo radar bi pričinil učinenje od odnošenja s Rosija nepotrebno mene dobre. Tutčas mi mogli bi videt' situacija, čo pravica bila bi protiv radar s rosijsko učastvovanje, ale levica bi ne mala nijaki problem ob to. Nekol'ke nevinne slova od Gejts mogli bi tak pričinit mala revol'ucija v česka politika.

(od Rejter i Kurje Enternasjonal)

26и октобер 2007 - В пјаток, Посланецка снемовна Парламенту Ческе републики одвергнула предложенје од левична опозиција на референдум об гостенје од часть од американска противракетна оброна. Сјединене Штати од Америка планујут вибудовать радарна станција в Чехија и ракетна база в Польска јако часть од своја система против ракети из "оса од зло", на пример из Иран. План стал искра на спор с Росија, ктора види то јак грозба дльа своја безпечность. План тож гнева ческа левична опозиција - социјальне демократи и комунисти - кторе кажут, чо льуди, множинство од кторе јесть против план, мајут право сказать своје мненје. Але предложенје од некольке социјалистичне и комунистичне заступники било одвержено в пјаток, соглосно очекиванја. Законно, 120 глоси били би треба в 200членна палата, але предложенје достало только 76 из настојашче 144. Центристично-правична влада, ктора ма 100 члени в палата, планује закончить договори с Сјединене Штати в початок од год 2008 и ратификовать договор в парламент. Једин из коалицијне партнери - Партија од Зелене (по чески Strana zelených) - не соглоси с план полно и јего поддержованје јесть нејасно. Влада надеја сја, чо некторе опозицијне заступники будут глосовать дльа база.

Чески журналист Јиржи Пехе (по чески Jiří Pehe) написал коментарь об то, чо за план од американски обронни министер Роберт Гејтс (по англиски Robert Gates), ческа влада јесть в незграбна позиција. Гејтс предложил розместенје од росијске војники при плановане инстальацији од радар, ктори буде часть од американска противракетна оброна. Множинство од Чехи уже јесть против радар с американске војники. Тутчас јесть можливость, чо Росијани, окупацијне сили од кторе одшли из крај в год 1991, приджут знову - с Американ`ци, и јешче више многе льуди будут против. До тутчас, правица поддержовала пројект од радар, але левица била против, за чо она мала страх, чо радар би причинил учиненје од одношенја с Росија непотребно мене добре. Тутчас ми могли би видеть ситуација, чо правица била би против радар с росијско участвованје, але левица би не мала нијаки проблем об то. Некольке невинне слова од Гејтс могли би так причинит мала револьуција в ческа политика.

(од Рејтер и Курје Ентернасјонал)

10/21/2007

Opozicija ide napred pred pol'ske vibori / Опозиција иде напред пред польске вибори

20i oktober 2007 - Pol'aki glosujut v predvremenne vibori, ktore rešut, jesli nacionalizm od blizneci premijer-minister Jaroslav Kačin'ski (po pol'ski Jarosław Kaczyński) i prezident Leh Kačin'ski (po pol'ski Lech Kaczyński) dostane budušči četiri godi.

Premijer-minister pričinil ob dva godi više rane vibori posle kolaps od jego koalicija s dve male ekstremistične partiji. Rezul'tati od anketi bili rozlične, ale glovna liberal'na opozicija Obitatelska Platforma (po pol'ski Platforma Obywatelska) ide napred od posledna sedmica, kogda sudili, čo jej lider Donald Tusk (po pol'ski Donald Tusk) vigral nad premijer-minister v televizijna debata.

Brati Kačin'ski probovali mobilizovat' podderžovanje tak, čo oni dali znat' veliko vigranje na evropejski samit v Lisabon (po portugal'ski Lisboa), ktori učinil ustupki na pol'ske žalovanja ob glosovanje v Evropejska Unija.

Partija od Jaroslav Kačin'ski Pravo i Spravedlivost' (po pol'ski Prawo i Sprawiedliwość) prišla k moc pred dva godi, hot' Jaroslav Kačin'ski jest' premijer-minister tol'ko 15 mesjaci. Osnova od jego kampanija jest' konservativni nacionalizm, bor'ba protiv korupcija, pravo i por'adok.

Jego protivniki vin'ut jego za izolovanje od Pol'ska v EU, spori s Nemecka, učinenje od odnošenja s Rosija mene dobre i zloupotrebjanje od informaciji od tajna policija i rozvedka protiv jego protivniki.

Kačin'ski može učinit' svoje podderžovanje v kraj više široko. Jego partija mala 27% pred dva godi i on može očekivat' više dobri rezul'tat. Ale ni Pravo i Spravedlivost', ni Obitatelska Platforma verojatno ne budut mat' množinstvo v 460-členni Sejm i medžu obe bude boj ob iztvorenje od vladno množinstvo.

Anketi možut bit' netočne, za čo Pol'aki su neohotne glosovateli. V god 2005, tol'ko 40% glosovali, čo znači, čo tol'ko jedin iz devjat' Pol'aki pravdno glosoval dl'a "revolucija" od Kačin'ski.

Ale konservativne glosovateli dl'a Kačin'ski više verojatno vigrajut vibori, za čo mnoge mlode i učene l'udi, ktore bi glosovali dl'a liberal'na opozicija, emigrovali v posledne tri godi.

Švejcarija tož glosuje v vibori i jest' verojatno, čo ona podderža pravica - protiv-čudžinecka Švejcarska L'udova Partija (po nemecki Schweizerische Volkspartei, po romanš Partida Populara Svizra, znana tož jak Demokratična Unija Centr, po francuzski Union Démocratique du Centre, po italijanski Unione Democratica di Centro) - jak glovna politična sila. Pod liderstvo od miliarder, promislenik i spravedlivostni minister Kristof Bloher (Christoph Blocher), partija mala efektivna i sporna kampanija, v ktora ona hotela vignat' imigranti osudene za zločini.

(od Gardian)

20и октобер 2007 - Польаки глосујут в предвременне вибори, кторе решут, јесли национализм од близнеци премијер-министер Јарослав Качиньски (по польски Jarosław Kaczyński) и президент Лех Качиньски (по польски Lech Kaczyński) достане будушчи четири годи.

Премијер-министер причинил об два годи више ране вибори после колапс од јего коалиција с две мале екстремистичне партији. Результати од анкети били розличне, але гловна либеральна опозиција Обитателска Платформа (по польски Platforma Obywatelska) иде напред од последна седмица, когда судили, чо јеј лидер Доналд Туск (по польски Donald Tusk) виграл над премијер-министер в телевизијна дебата.

Брати Качиньски пробовали мобилизовать поддержованје так, чо они дали знать велико вигранје на европејски самит в Лисабон (по португальски Lisboa), ктори учинил уступки на польске жалованја об глосованје в Европејска Унија.

Партија од Јарослав Качиньски Право и Справедливость (по польски Prawo i Sprawiedliwość) пришла к моц пред два годи, хоть Јарослав Качиньски јесть премијер-министер только 15 месјаци. Основа од јего кампанија јесть консервативни национализм, борьба против корупција, право и порьадок.

Јего противники виньут јего за изолованје од Польска в ЕУ, спори с Немецка, учиненје од одношенја с Росија мене добре и злоупотребјанје од информацији од тајна полиција и розведка против јего противники.

Качиньски може учинить своје поддержованје в крај више широко. Јего партија мала 27% пред два годи и он може очекивать више добри результат. Але ни Право и Справедливость, ни Обитателска Платформа веројатно не будут мать множинство в 460-членни Сејм и меджу обе буде бој об изтворенје од владно множинство.

Анкети можут бить неточне, за чо Польаки су неохотне глосователи. В год 2005, только 40% глосовали, чо значи, чо только једин из девјать Польаки правдно глосовал дльа "револуција" од Качиньски.

Але консервативне глосователи дльа Качиньски више веројатно виграјут вибори, за чо многе млоде и учене льуди, кторе би глосовали дльа либеральна опозиција, емигровали в последне три годи.

Швејцарија тож глосује в вибори и јесть веројатно, чо она поддержа правица - против-чуджинецка Швејцарска Льудова Партија (по немецки Schweizerische Volkspartei, по романш Partida Populara Svizra, знана тож јак Демократична Унија Центр, по французски Union Démocratique du Centre, по италијански Unione Democratica di Centro) - јак гловна политична сила. Под лидерство од милиардер, промисленик и справедливостни министер Кристоф Блохер (Christoph Blocher), партија мала ефективна и спорна кампанија, в ктора она хотела вигнать имигранти осудене за злочини.

(од Гардиан)

10/14/2007

Pol'ske neprijateli za vibori majut spor ob Irak / Польске непријатели за вибори мајут спор об Ирак

12i oktober 2007 - V pjatočna televizijna debata s premijer-minister Jaroslav Kačin'ski (po pol'ski Jarosław Kaczyński) 10 d`ni pred vibori, glovni lider od pol'ska opozicija argumentoval sil'no protiv pol'sko bitje v Irak.

"Čo dava pravo k vam i k vaš brat (prezident Leh Kačin'ski, po pol'ski Lech Kaczyński) rozširovat' misija v Irak ... i riskovat' žitja od pol'ske vojniki?" skazal Donald Tusk (po pol'ski Donald Tusk), glova od liberal'na Obitatelska Platforma (po pol'ski Platforma Obywatelska).

Pol'ska bila jedin iz najviše blizke sojuzniki od amerikanski prezident Džordž Buš (po angliski George Bush) ob Irak; pol'ske grupi učastnili vtorgnutje v god 2003 i okolo 900 vojniki ješče su 200 kilometri južnovoshodno od Bagdad (po arabski بغداد).

Dvadsat' jedin pol'ske vojniki bili ubite v Irak od god 2003. V 3i oktober, pol'ski posel v Irak Edvard Petžik (po pol'ski Edward Pietrzyk) tesno izbegnul bombna ataka, ktora ubila jego telohronitel'-šofer.

(od Agencija Frans-Pres)

Donald Tusk i Jaroslav Kačin'ski / Доналд Туск и Јарослав Качиньски

12и октобер 2007 - В пјаточна телевизијна дебата с премијер-министер Јарослав Качиньски (по польски Jarosław Kaczyński) 10 д`ни пред вибори, гловни лидер од польска опозиција аргументовал сильно против польско битје в Ирак.

"Чо дава право к вам и к ваш брат (президент Лех Качиньски, по польски Lech Kaczyński) розшировать мисија в Ирак ... и рисковать житја од польске војники?" сказал Доналд Туск (по польски Donald Tusk), глова од либеральна Обитателска Платформа (по польски Platforma Obywatelska).

Польска била једин из највише близке сојузники од американски президент Джордж Буш (по англиски George Bush) об Ирак; польске групи участнили вторгнутје в год 2003 и около 900 војники јешче су 200 километри јужновосходно од Багдад (по арабски بغداد).

Двадсать једин польске војники били убите в Ирак од год 2003. В 3и октобер, польски посел в Ирак Едвард Петжик (по польски Edward Pietrzyk) тесно избегнул бомбна атака, ктора убила јего телохронитель-шофер.

(од Агенција Франс-Прес)

10/07/2007

Konsilium od Bezpečnost' osudžuje ataka protiv pol'ski posel v Irak / Консилиум од Безпечность осуджује атака против польски посел в Ирак

6i oktobr 2007 - V pjatok, Konsilium od Bezpečnost' od Organizacija od Objedinene Naciji osudil ataka protiv pol'ski posel v Irak i hoče, čobi medžunarodno společenstvo podderžovalo ohrona od diplomati i ini čudži civil'ni personal v Bagdad (po arabski بغداد).

Pol'ski posel Edvard Petžik (po pol'ski Edward Pietrzyk) bil poraneni od bombna ataka v Bagdad v četvertok i prinajmnej dva ine l'udi bili ubite - jedin člen od pos`lov lični bezpečnostni tim i prinajmnej jedin irakski civil.

V tverdenje, ktoro ganski posel Lesli Kojo Kristian (po angliski Leslie Kojo Christian, tutmesjacni prezident od Konsilium od Bezpečnost') čital včera, 15-členni Konsilium skazal, čo "liboktore akti od terorizm su zločinne i nezakonne, bez obzira na ih motivacija, učinene libogde, libokogda i od libokto".

"Konsilium od Bezpečnost' podkresluje, čo jest' treba dat' vse vinovniki, organizatori, finansisti i sponsori od tuttoj akt k spravedlivost'," Kristian skazal i apeloval k vse kraji, čobi oni na to kooperovali s pol'ska i irakska vladi. Ale Konsilium tož pripomenul k vse kraji, čo jest' treba, čobi ves boj protiv terorizm poln'al vse ih obavjaz`ki pod medžunarodno pravo, konkretno medžunarodne l'udske prava, zakoni ob bežen`ci i humanitarno pravo.

(od Te Hindu)

6и октобр 2007 - В пјаток, Консилиум од Безпечность од Организација од Објединене Нацији осудил атака против польски посел в Ирак и хоче, чоби меджународно сполеченство поддержовало охрона од дипломати и ини чуджи цивильни персонал в Багдад (по арабски بغداد).

Польски посел Едвард Петжик (по польски Edward Pietrzyk) бил поранени од бомбна атака в Багдад в четверток и принајмнеј два ине льуди били убите - једин член од пос`лов лични безпечностни тим и принајмнеј једин иракски цивил.

В тверденје, кторо гански посел Лесли Којо Кристиан (по англиски Leslie Kojo Christian, тутмесјацни президент од Консилиум од Безпечность) читал вчера, 15-членни Консилиум сказал, чо "либокторе акти од тероризм су злочинне и незаконне, без обзира на их мотивација, учинене либогде, либокогда и од либокто".

"Консилиум од Безпечность подкреслује, чо јесть треба дать все виновники, организатори, финансисти и спонсори од туттој акт к справедливость," Кристиан сказал и апеловал к все краји, чоби они на то кооперовали с польска и иракска влади. Але Консилиум тож припоменул к все краји, чо јесть треба, чоби вес бој против тероризм полньал все их обавјаз`ки под меджународно право, конкретно меджународне льудске права, закони об бежен`ци и хуманитарно право.

(од Те Хинду)